طه دسوقى: قابلت حالات توحد منهم عبد الله أشرف اللى بقى واحد من تيم Watch it

قال الفنان طه دسوقي خلال استضافته ببرنامج صاحبة السعادة التي تقدمه الفنانة إسعاد يونس ويذاع على قناة DMC: من الحاجات اللي اكتسبتها من المسلسل إني أعرف أكتر عن التوحد، لأني كنت زي ناس كتير فكرتي عن التوحد قليلة جداً، لما بدأت أجهز الشخصية رحت جمعية خاصة بحالات التوحد، واشتغلت مع مدرب تمثيل، وكانت المشكلة بالنسبة لي إني مش عارف ردود فعلهم عاملة إزاي".

وأضاف: كان من ضمن الحالات اللي اتكلمت معاها عبد الله أشرف اللي بالمناسبة حاليا واحد من تيم watch it، واللي ما اترددوش لحظة إنهم يقبلوه وسط تيم العمل عندهم فلهم كل التحية، وكان كل خوفي إنى أقدم الشخصية بصورة غلط، لأني دلوقتي بقدم نموذج موجود فمش عايز أقول حاجة غلط عنهم".

مسلسل "حالة خاصة" أحدث أعمال watch it الأصلية، وهو مكون من 10 حلقات، ويعرض بواقع حلقتين في الأسبوع كل يوم الأربعاء، والمسلسل من بطولة طه دسوقى، غادة عادل، أحمد طارق، هاجر السراج، حسن أبو الروس، وئام مجدى، أحمد الأزعر، على السباعى، و نبيل على ماهر، لينا إيهاب، الطفل آدم وهدان، آدم النحاس وتأليف مهاب طارق وإخراج عبد العزيز النجار وإنتاج طارق الجناينى.

"حالة خاصة" أحدث أعمال watch it الأصلية، وذلك بعدما عرضت المنصة عددا من مسلسلاتها الأصلية خلال الفترة الماضية منها "على باب العمارة" بطولة حاتم صلاح، "بالطو" بطولة عصام عمر، و"اتزان" بطولة ركين سعد وعدد من الفنانين الشباب، و"ريفو" الجزء الأول والثانى، "تحقيق" بطولة أحمد مالك وخالد أنور وتارا عماد وعدد من الفنانين الشباب، وغيرها من الأعمال