محمد رمضان: قريبا أغنية مع أغلى رابر فى العالم.. وأخويا فى الرضاعة مسيحى "إنفوجراف"

عرضت قناة DMC الجزء الثانى من حلقة النجم محمد رمضان في برنامج "صاحبة السعادة" للفنانة والإعلامية إسعاد يونس، وقال محمد رمضان: "وأنا صغير عمرى ما كنت بتاع خناقات، حتى وأنا طفل ولا حد جه اشتكى منى".
وفى هذا الإنفوجراف نرصد أبرز ما قاله محمد رمضان


محمد رمضان: عمر الشريف طوق النجاة لى.. وأغنياتى مخلوق جديد ما لهوش مسمى

محمد رمضان (1)

عمر الشريف رجل عظيم وكان أبويا الروحى وبمثابة طوق نجاة اتحدف ليا وأنا بغرق فى بحر اليأس


مكنتش بشتغل ومفيش دلالة بتقول إنى ممكن أكمل وأنجح طلع قال إنه اخترنى أكمل مسيرته

كلامه لم يفدنى على مستوى الشغل لكن إدانى قوة وحسسنى إنى ماشى صح

الأسرع فى الانتشار فى الوصول للعالم المزيكا والغناء وليس التمثيل

أغنياتى أنا شايفها مخلوق جديد ما لهوش مسمى لأنه ولا مهرجان ولا راب ولا تراب

يمكن بعد 50 سنة يكون نوع الأغانى ده باسمى ويبقى اسمه رمضان وهو نوع مش موجود ولا يتم تقديمه ومفيش حاجة تشبهه
محمد رمضان (2)

عملت إعلان كان فيه أغنية الأغنية تخطت حدود الإعلان وبقت تشتغل فى الأفراح والشواطئ

أبقى شخص مش ذكى لو شفت حاجة عجبت الجمهور وما أكملش تقديمها وأطورها وأعملها

عملت أغنية "نمبر وان" وكانت ريسك لأنى لو ما نجحتش يبقى هخسر الممثل والمغنى

من البداية قررت أختار نوع مزيكا يتلاءم مع طبقة صوتى وكلام يناسبنى

ولقيت أقرب نوع كان برازيلى وعادل حقى سمعتهوله وقال لى تحفة مع صوتك

واخترت نوع أغانى أغنى للذات والنفس، وبعد كده قدمت أغانى مختلفة
المطرب شعبيته 10 أضعاف الممثل لأن المغنى أقرب للجمهور وبيوصله في كل مكان

عندى أغنية مع أغلى رابر في العالم اسمه فيوتشر ودى أول أغنية هو يعملها مع فنان عربى
محمد رمضان (3)

أنا لا دافع له حاجة ولا هو دافع لى حاجة شايفين بعض مكسب

التبادل الفني مطلوب زى التبادل بين الدول

أول حفل ليا في الساحل كان الجمهور فيها 150 ألفا

بتعامل في الحفلات زى المسرح وبحس إنى جوا عرض مسرحى ومش بتكلم مع الجمهور غير بعد ما بقدم 6 أغانى

مش بفكر أعمل حركات معقدة ومن ضمن أسرار نجاح الأغانى بتاعتى إن كلامها سهل والناس بتعرف تغنيها

عملت دور أحمد زكى في مسلسل السندريلا وقالوا مش هيعرف يعمل أدوار تانية مختلفة
محمد رمضان (4)

والدى كان بيدينى عيدية 10 جنيهات، ووالدتى وعمتى كل واحدة بتدينى 5 جنيهات، يعنى كنت بجمع من العيلة كلها 25 جنيها وأخرج أعيد وأدخل سينما

كوّنت ثقافتى السينمائية من والدى لأنه كان مشاهد سينما جيد وبيحبها جدا ومثقف وعلى طول بيقرأ الصحف

وأنا صغير عمرى ما كنت بتاع خناقات حتى وأنا طفل ولا حد جه اشتكى منى

أنا اتربيت في شارع فيه تماسك وترابط وكنا 3 بيوت مسلمين والباقى مسيحية وما كانش فيه فرق بينا

أنا أخويا في الرضاعة مسيحى واسمه رومانى جرجس، وكنا بناكل عند بعض، فمنطقتى شكّلت فيا حاجات كتير