رشوان توفيق يكشف كواليس قصة حبه لزوجته الراحلة: كافحت معايا

تحدث الفنان القدير رشوان توفيق عن قصة حبه لزوجته الراحلة، قائلا: " اتجوزتها وإحنا صغيرين وأنا طالب في الجامعة، أختها الكبيرة كانت جارتي، كنت بشوفها لما بتيجي لأختها".
أضاف رشوان توفيق خلال لقاء تليفزيوني: "شوفتها في الأسانسير وأسلم عليها مردتش عليا، وبعد كده أصريت إني أتجوزها بعد ما عرفت إنها قالت أنا أتجوز واحد أكافح معاه كل ما ننجح نفرح، الجملة دي أثرت في جدا وحددت معالم شخصيتها إنها شخصية مكافحة وبعد ما اتجوزنا وقفت معايا وتسكن جوايا ، واتعرفنا 56 واتجوزنا 57 ".
تابع الفنان القدير: كنت بعملها الفطار بالليل علشان كنت بنام بعد صلاة الفجر، فملا كانت تصحى تلاقي كل حاجة محطوطة جنبها".
رشوان توفيق 2

أشار إلى انه أرسل إلى أختها دعوة لحضور مسرحية في الجامعة قائلا: "بعت لأختها علشان تحضر مسرحية ومشوفتهاش برضه ، متابعا :" ما كونتش أخرج من البيت طول ما كانت موجودة".


تحدث الفنان القدير رشوان توفيق، عن أسرار تلاقيه بالأرواح، مستشهدًا ببعض الرؤى قائلا: "الأولى لقيت عبدالحليم حافظ بيقولى لا يا أستاذ توفيق لا".
تطرق رشوان توفيق لرؤيا أخرى جمعته بالفنان الراحل محمود ياسين، وقال: "الرؤيا الثالثة كنت فى عزاء محمود ياسين وبعدين شوفت رؤيا بالليل وهو لابس جاكيت أبيض وفى عز شبابه ووسامته في محطة ريفية ناخد بعض بالحضن كلمت عمرو ابنه قلتله قول لماما انا شوفت محمود في رؤيا ومشوفتوش في حياتي لابس الجاكيت الأبيض ده، شاءت الظروف وأنا بقلب في قناة لقيت محمود ياسين بالبدلة اللى انا شوفته فيها ".
رشوان توفيق يكشف رسالة عبدالحليم حافظ له فى المنام
تابع الفنان رشوان توفيق: كلمت عمرو الليثي علشان يبلغ جيهان السادات بالرؤية قالى كلمها على التليفون الأرضى كلمتها وعرفتها بنفسى وحكتلها الرؤيا وقلتلها إن المهندس حسب الله الكفراوي قال إنه شهيد ، قالتلي أتارى حسب الله بقاله مدة مشفنيش ولما شافنى قالى عاوز أكلمك في حاجة.
رشوان توفيق
أضاف الفنان القدير فى لقاء تليفزيوني: "الرئيس الراحل أنور السادات شوفت بنته تتحدث في التليفزيون بتقول عايشة بمعاش بابا وقفت في الشقة وقرأت الفاتحة للرئيس الراحل..وأنا بصلى قبل الفجر عنيا غفلت لقيت إيده اتحطت على إيدى الشمال رفعت عيني لقيت الرئيس السادات لابس بدلة التشريفة اللبني وصرخ وقال "لا اله الا الله " وكررها مرة أخرى ، رديت وقلت : "محمد رسول الله " بعد كده الايد اتسحبت من على كتفى الشمال"، فتحدثت مع الراحل حسب الله الكفراوي وقالى ده شهيد".