الفنانون يلجأون ل"فيس بوك" للتعبير عن آرائهم حول الأحداث الجارية

عبر عدد من النجوم، على موقع التواصل الاجتماعى "فيس بوك"، عن رأى كل منهم بطريقته على الأحداث المريرة التى تمر بها مصر، حيث كتب الشاعر الكبير بهاء الدين محمد كلمات مقتضبة جاء فيها "بتتداسى وتتهرسى.. ومتضايقة وح تتفرسى... يخافوا عليكى ليه وإزاى؟!! دى ناس طمعانة ف الكرسى".
وكان المطرب والملحن عمرو مصطفى من أكثر النجوم تواجدا على صفحته وتواصلا مع معجبيه ومحبيه فكتب أكثر من تعليق على صفحته: "رسالة إلى معتصمى ميدان التحرير قول الله تعالى "وَإِذَا قِيلَ لَهُمْ لاَ تُفْسِدُواْ فِى الأَرْضِ قَالُواْ إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَكِن لاَّ يَشْعُرُونَ (12)"، ولاقى ذلك العديد من التعليقات أغلبها جاءت إيجابية.
فى حين كتب النجم هشام عبد الحميد على صفحته الخاصة: "يقول الله تعالى للمظلوم: وعزتى وجلالى لأنصرنك ولو بعد حين".
أما الشاعر أمير طعيمة فكتب: "نتيجة آخر السنة: المجلس العسكرى (صفر من 10) - الأحزاب السياسية (صفر من 10) - الإخوان والسلفيين (صفر من 10 ) - حكومة عصام شرف ونخص بالذكر منصور العيسوى (لو فيه حاجة أقل من الصفر يستاهلوها) - الإعلاميين وضيوفهم الرغايين ( صفر من 10) - الناشطين السياسيين ( صفر من 10) - اللى بيكتب الرسالة دى واللى بيقرأها ( صفر من 10)... ورغم كده كلنا بنقول عايزين البلد تنجح وتجيب مجموع!".
وكتب النجم خالد الصاوى، "كل نقطة دم بتهدر من بعد تنحى المخلوع مش بتلطخ بس أيدين رجال مبارك اللى لسه بيحكمونا، ولا التيارات السياسية المخادعة اللى عينها على السلطة مش على الثورة، لا هى كمان بتلطخ رقبة كل شخص وافق على فرملة الثورة من فبراير وطلع يبجح ويقول كلام فارغ مفاده الوحيد: اللى يتجوز أمى أقوله يا عمى! هى دى آخرة السلبية والسطحية والسذاجة، على الله نفهم بقى إن التطهير أولا.. التطهير أولا.. التطهير أولا".
وعن المطرب الشاب هيثم مازن، فكتب على صفحته الخاصة، "أجمل حاجة إنك تفتح الفيس بوك تلاقى ناس بتقولك ألحقونا إحنا بنضرب والجيش بيعمل مجزره والشرطة بتدهس المتظاهرين طاب لو كل ده بيحصل أنت فتحت البروفايل وبتكتب كده فى كل الأحداث دى... عموما دائما الرجولة الحقيقية أفعال وليست كلمات".