ريسنا

فى كل الأحوال
عايزينه فى العدل مثال
ولا يبدأ حكمه بطوارئ
ولا يفرض حظر التجوال
عايزينه ميسور الحال
مش عاشق للجاه والمال
متربى وعارف أيه معنى العيشة
من قرش حلال
عايزينه صادق لو قال
بيجاوب على أى سؤال
لو يوعد بالوعد يوفى
وبيفهم وطويل البال عايزينه عدو الإهمال
ولكل عقدنا الحلّال
وبياكل م الفرن بتاعنا وبيسمع ثومه ومتقال عايزينه سهل بيتشال
مش ريس كل الأجيال
وعشان فى الكرسى مايلزقشى
الكرسى عايزينه تيفال عايزينه فى عيد العمال
مايرددش نفس الموال
مايطسش فى الآخر منحة وياخدها عويس البقال عايزينه فى العتمة هلال
لعروبته مخلص ميال
ويدافع عن حق إخواتنا
مش صاحب لشاؤول وشاحال
عايزينه شريف السلسال
ولاعايز ولاعنده عيال
ولا عيلته بالكامل فيها بالصدفة حد اسمه جمال