علق رضا عبد العال، مدرب فريق طنطا، على وضع التدريب في مصر والمدربين في الوقت الحالي ومستوياتهم، وقال: "أنا معرفش مدرب دكر في مصر غير حسن شحاتة، ومحمود الجوهري وممكن أنا الفترة الجاية، واحنا دايما عقدتنا الخواجة، وأي مدرب أجنبي ييجي ينجم نفسه هنا، وأي دولة عربية تزغلل عينه بالدولار يسيبك ويخلع". وتعليقا على أزمته مع اللاعب السابق إبراهيم سعيد، قال: "معرفش حد بالاسم ده، ولو هتكلمني عن الماتش والكمامة، فكانت الناس بتصورني فحطيت الماسك على وشي، ومستحيل أكون لابسها أساسا بالشكل ده، إنما لو سألتني عن الشخص ده هقولك أنا ماعرفوش، ومعرفش حد بالاسم ده من الأساس" وأضاف خلال مداخلة مع الإعلامي عمرو أديب ببرنامج "الحكاية" الذي يذاع على قناة mbc مصر: "بالنسبة للكاميرا اللي ماشية معايا طول ال 90 دقيقة، دي تقدر تسأل فيها المخرج، وبعدين ردود أفعاله طبيعية، أنا حطيت إيدي على وشي كنت أقصد أن الكورة جت في وش اللاعب ومكنتش بلطم، وساعتها فريق الزمالك بيعترض على الحكم، فأنا حبطت على وشي، بقولهم سيبوه الكورة جت في وشه". وعن أزمته بخصوص إبراهيم سعيد، قال: "وبكرر، أنا مجبتش سيرة حد، ومعرفش حد بالاسم ده، ولو أعرف أن الكلام هيبقى عن الموضوع الهايف ده مكنتش عملت مداخلة، إنما هنتكلم عن الدوري والكورة والفرقة عنيا ليك يا أستاذ عمرو". رضا عبد العال الاهلى النادى الاهلى الزمالك طنطا حسن شحاته محمود الجوهرى اليوم السابع بلس الموضوعات المتعلقة رضا عبد العال عن أزمته مع إبراهيم سعيد: "معرفش حد بالاسم ده خالص" الثلاثاء، 29 سبتمبر 2020 12:54 ص الأخطاء الدفاعية تهدد الأهلى والزمالك قبل مواجهة بطلى المغرب.. مشير حنفى: فايلر صنع ورطة بعد إصابة ربيعة.. رضا عبد العال: ثلاثية الجونة كشفت دفاع الأبيض.. وهشام يكن: توظيف الونش وعلاء خاطئ الإثنين، 28 سبتمبر 2020 01:00 م رضا عبد العال: لن أرحل عن طنطا إلا لتدريب منتخب مصر الأحد، 27 سبتمبر 2020 02:13 م شاهد رد فعل رضا عبد العال وأمح بعد إلغاء هدف كهربا في مباراة الأهلى وطنطا السبت، 26 سبتمبر 2020 11:09 م أرقام مثيرة قبل مواجهة الأهلى وطنطا الليلة.. أول مواجهة تعود للخمسينيات.. بطل الدوري فاز فى 20 مباراة.. كتيبة رضا عبد العال تبحث عن الانتصار الأول.. الفوز بسداسية نظيفة أكبر نتيجة.. والخطيب وطه إسماعيل الهدافين السبت، 26 سبتمبر 2020 05:33 م