ممثل شاب يفضح محاولات الإخوان استغلاله ويكشف تفاصيل تجهيز محمد على

قال الممثل المسرحى كريم حسن: "أنا من أهالى الإسكندرية وكنت بعمل مسرحية اسمها الكبسولة، وهى مسرحية وطنية وسافرت الإسكندرية في 2019 وكنت بصلى الظهر وحسيت بدوخة وأصحابى ودونى المستشفى الجامعى، وما كنوش يعرفوا إن عندى وحمة دموية".
وأضاف، خلال لقائه ببرنامج آخر النهار مع الإعلامى محمد الباز المذاع على قناة النهار: "أهلى جاءوا ونقلونى إلى مستشفى الميرى بالإسكندرية ولم يكن أحد يعرفنى وكان في حالة إهمال وأخويا قال نصور فيديو استغاثة، والفيديو جاب 3 ملايين مشاهدة، ومعتز مطر حاول استغلال الفيديو في قضية أخرى، وكان عاوز التقارير الطبية علشان يثبت إن المستشفى هي السبب في الإبرة الخطأ، وبعت شخص فعلا كان لابس ساعة غريبة كانت بتصور، وجاء لأخويا وقاله إنه عاوز التقارير وأى حاجة تثبت الإهمال".
وتابع: "بعدها طلب التقارير على الفايبر وبعت لمحمد أخويا وأخويا لقى الرقم قطرى فرفض يديله الورق، وكان عاوز يدينى إبرة ويموتنى وهما سرقوا الأوراق بتاعتى من المستشفى، وأخويا بدأ يعمل مشكلة في المستشفى علشان يجيبوا التقارير وفعلا جابوها، وأخويا لما دخل على رقمه في فايبر لقى صورته بيستلم جائزة من حد في قطر"، مؤكدا أن معتز لديه الكثيرون ممن يعملون معه داخل مصر وأرسل لى آخرين.
وكشف عن أنه عمل مع المقاول محمد على في فيلم البر التانى وهو كان منتج الفيلم وقولته إن الفيلم ده مش هينجح، وقالى أنا عامل الفيلم لفئة أخرى، وكان بيبعت فلوس ونقف قدام السينمات ونشترى التذاكر علشان الناس تدخل تتفرج، وكان عامل الفيلم علشان يقدر يسافر خارج مصر ويقابل ناس برة وكانوا بيحضروه من قبلها، الكلام ده كان في 2015، وكانت هناك صداقة وكنت مستغرب إزاى بيصرف الفلوس دى، وبعدها باع فيلا لمحمد رمضان ب35 مليون جنيه، وعرفت إنه مدعوم من الخارج بدأ يبيع حاجة حاجة وبعدها سافر على إسبانيا.
وتابع: "لما تعبت طلبنا منه إنه يشوف لنا واسطة وطبعا ماساعدنيش علشان رفضت أتعامل مع مصطفى، وبعدما عرض الفيديوهات عرفت إنه كان بيتحضر وفهمت معنى الفيلم معمول لفئة تانية، وهما بيحاولوا يستغلونى علشان بطلع وبتكلم وجعلوا أحد الصحفيين من طرف محمد على يكلمنى وطلبوا منى السفر للخارج، وأنا طلبت منه مليون جنيه أقل حاجة علشان أجيب شقة لأنى ما أخدتش أي حاجة لحد دلوقتى، بعدها كلمتنى بنت من عرب 48 كانت معاها عربية بأرقام إسرائيلى، وبرضه طلبت منى السفر للخارج وطلبت تانى الفلوس وطلبت منى إنى ما أقولش لحد إنهم هيبعتوا الفلوس على فترات".