"عملت كبدة وسجق".. محمد أنور بمريلة المطبخ: "الأمهات بتتعب بجد"

ظهر الفنان محمد أنور، في مداخلة عبر "سكايب" ببرنامج "الحياة اليوم"، الذى يقدمع الإعلامى حسام حداد، على فضائية "الحياة"، مرتدياً "مريلة المطبخ"، مشيراً إلى أنه يقضى وقت الحظر في المطبخ، وقام بإعداد "كبدة وسجق".
وأضاف أنور قائلاً:"نتمنى الناس تلتزم الفترة دى ونخرج بجد ونجيب ناس تصلح الحاجات اللى باظت في البيت من الكهرباء والسباكة"، مردفاً:"أنا أصلا إنسان بيتوتى ومش بخرج كتير وكنت كل حاجة بعملها مع مراتى سواء سفر أو خروج".
وتابع أنور: " بالنسبالى بنتى سنة و8 شهور كنت بشوفها خفيف وبستحملها وهى بتعيط لكن دلوقتى بتقعد معايا 24 ساعة هي مش فاهمة إننا في حظر وعاوزة تخرج"، مستطردا:"الأمهات بتتعب تعب بتشيل العيل وتغسل المواعين وتكنس وبنيجى أخر النهار ونتأمر".
وعن دوره في مسلسل "قوت القلوب"، أعرب أنور عن سعادته بعمله مع الفنانة ماجدة زكى والمخرج مجدى أبو عميرة، حيث دوره شخصية رومانسية وطيبة وأنه دور مختلف، مردفاً:"مسلسل جه في توقيت الناس كلها قاعدة في البيت، وبتكون أفضل من رمضان لأنه بيكون فيه مسلسلات كتير ومنافسة وبيتفرق المشاهدين بينهم"، مضيفاً أنه بجهز لمسلسل بعد رمضان اسمه "إسعاف يونس".



محمد انور
كورونا
خليك فى البيت
الفنانين
قوت القلوب
الموضوعات المتعلقة
محمد أنور يهنئ حمدى الميرغنى بعيد ميلاده: يارب نرجع نبوس بعض تانى من غير خوف
الأربعاء، 01 أبريل 2020 05:31 م
محمد أنور يقدم نصائح "ملهاش لازمة" من العزل الصحي المنزلي.. فيديو
الإثنين، 30 مارس 2020 08:32 م
محمد أنور يغنى "لفى بينا يا دنيا" مع هنا الزاهد.. ويعلق:" أنا عارف صوتى مقرف"
الأحد، 29 مارس 2020 10:46 م
محمد أنور ل هنا الزاهد:" مبروك على البرنامج العسل"
الأحد، 29 مارس 2020 05:50 م