كشف المطرب الشعبي حمو بيكا ، عن طبيعة مرضه الذي أعلنه اليوم عبر فيديو تم بثه على مواقع التواصل الاجتماعي قائلاً " أنا عيان جداً وبعاني من ميكروب اسمه " كرونز " يتسبب في تأكل جدار المعدة والمرض ده بيجي من الزعل ". وقال بيكا ، في مداخلة هاتفية مع الإعلامية لميس الحديدى على شاشة العربية " الحدث " :"مش مبسوط وأغاني المهرجات لا يمكن منعها لأنه فن فرضه الشارع وحبوه ، ودي مزيكا الناس حبتها.. متسائلاً ليه مابتمنعوش حفلات الكباريهات ؟ معقولة مهرجانتانا هي الي عملت كل ده في المجتمع ؟ وفيه تجاوزات كثيرة داخل الكباريهات، وحاولت التوجه للنقابة برفقة زملائه لكن هما رافضين ده تماماً وشايفين أن ده مش فن ومش معترفين بيه ".
وتابع بيكا قائلا " بالنسبة للألفاظ الخارجة قلنا لهم لما تاخدونا تحت رايتكم سنشعر بالرقابة سنتوقف عن تقديم الفن الخارج، وهنقدم فن نظيف لكن دي مزيكتنا استحاله تتغير بلاش العداوة ده مش أكل عيش الأغاني اللى بنغنيها للأفراح مش عشان رزق لكن عشان نسعد الناس، وزعلان من حسن شاكوش لأنه ماوفقش معانا رغم أنو لسه جديد في مجال المهرجانات وعشان مانضحكش على نفسنا النقابة عاوزة تمحي فن المهرجانات ولو منعونا من الشارع مش هيقدروا يمنعوا السميعة ".
وأضاف المطرب الشعبي حمو بيكا " كفاية أننا بنمشي في الشارع مش عارفين نتحرك من الناس الي ملمومة حوالينا وقال أنا باخد أرباح 90ألف جنيه في الشهر بس ومافيش حاجه اسمها ملايين وبندفع ضرائب ولو بيجيب ملايين مكناش نزلنا نشتغل في الشارع ".
