زى القمر.. فوتوسيشن جديد لفتاة التنمر "زلابية" وحملة دعم على السوشيال ميديا

بعد ما تعرضت له "زلابية" من انتقادات وتعليقات جارحة بسبب شكلها والتنمر على صورها لمجرد ظهروها بمظهر لم يرض عدد منهم، قام مصور شاب يدعي كريم يوسف بعمل جلسة تصوير لها ظهرت بها بشكل مختلف تماما، معلقا عليها :"سيشن القمر نزل".


وتابع :"انتو تزعلوها وتكسرو فرحتها وتجرحو فيها بكلامكم وربنا يراضيها ويجبر بخاطرها ويجعلنا سبب في رسم البسمه علي وشها ..اللهم لك الحمد ربنا وفقنا وقدرنا نكون سبب في البهجة اللي كانت فيها"، مضيفا :"احساس عظيم ربنا من بيه عليا لما شوفت ضحكتها وسمعت كلامها وهيا بتقول أنا عايزة الناس كلها تشوفني وانا حلوة زي ما اتتريقو عليا ".



ومن ناحية أخرى، حرص عدد من رواد موقع "فيس بوك" على دعم زلابية، ومنهم الفنانة إيناس عز الدين، حيث كتبت عبر حسابها : "العروسة اللي اتريقتوا عليها قمر وبدر منور مافيش ست وحشة كل خلقة ربنا جميلة ولكن فيه ظروف وحشة بتخلي ست تهتم بنفسها اكتر من ست انا فرحانة جداً بأحلى واطيب قلب وانا شايفاها قمر احلى زلابية ربنا يرزقها الخير كله".

وهاجمت إحدي المعلقات عريس زلابية بسبب موقفه المتخاذل بعد فسخه الخطوبة، بعد 24 ساعة فقط دون أن يراعي حالتها ومحاولة تفهم الأمر وتجنبه، قائلة :" انا مش شاغلنى التنمر وقلة الادب بتاعة الناس قد ما شاغلنى أن العريس سابها بعد الناس قالت ان شكلها وحش ، على أساس أن هوة جورج كلوني وكدة".

وكانت كتبت خبيرة التجميل ولاء محمد عبر حسابها :"جريمة أخرى من التنمر منذ حوالي أسبوع انتشر على السوشيال ميديا صورة "زلابيا" فى خطوبتها وهي بنت بسيطة لابسه فستان بسيط يبين حدود امكانيتها لكن التنمر على السوشيال ميديا لم يرحمها.. بنت زي دي مش عايشة العيشة اللي تخليها عندها انستجرام تتفرج على أحسن ناس بتعمل ميكب وشعر ولا تقدر تسافر برا مصر مثلا عشان تدرس وتعمل شوبينج وتكون كوول".
زلابية
فتاة التنمر
التنمر
فيس بوك
الموضوعات المتعلقة
أهل مصر تطلق حملة للتوعية بمخاطر الجهل والتنمر بضحايا الحروق تحت شعار "أنا مش متنمر"
الثلاثاء، 21 يناير 2020 11:14 ص
التنمر على فيس بوك يتسبب فى فسخ خطوبة "زلابية".. و3 فتيات يعيدن الثقة لها
الثلاثاء، 21 يناير 2020 10:08 ص
ضبط 4 طلاب بتهمة التنمر على زميلهم داخل مدرسة بقنا
الإثنين، 20 يناير 2020 12:35 ص
"كلام ستات".. تعرف على قصة عارضة أزياء تحارب التنمر بالفن
الثلاثاء، 14 يناير 2020 06:53 م