مبقاش فيكى شئ يتحب ..........غاب الحب والإحساس وبقيتى يا دنيا من غير قلب ........تُهتى وتاهو فيكى الناس راحوا فين الناس الحلوة .............راحت فين طيبة القلب تهنا و تاهت بينا الدنيا .............وصعبة العيشة من غير حب طلعت روح الحب يا دنيا ..........واحنا بإيدنا اللى دفناه بنبيع بعض يا خلق فى ثانية .......ومفيش طعم خلاص لحياة ناس مش عارفة ترضى فى مين؟ تجرح مين؟ و تصالح مين ؟ وناس ابالسة على شياطين ......وناس مش عايشة بنى آدمين شايفين عيوبنا ومش حاسسين .....وسايق قلوبنا يا ناس شياطين ليه بتذبحنا هموم الدنيا .............وليه بتوجعنا من غير ذنب ليه بتخدعنا ناس فى الدنيا .........وتكَرَهنا ليه فى الحب ناس مش شايلة هَم الدنيا ..........عايشه وسايبة غيرها يموت وناس من كتر هموم الدنيا .........قلوبها بتصرخ من غير صوت ناس مبسوطة وناس زعلانة ........ ناس فرحانة وناس تعبانة ناس بتهاجر و ناس بتعافر .........عايشه و كل عيشتها مهانة ناس بتسلم و ناس تتعارك ..........عايشه كل عيشتها معارك ناس بتفارق و ناس تتسابق ....... وناس الحب خلاص مش فارق