"يا عم سلامة" تتجاوز 550 ألف مشاهدة خلال يومين على "يوتيوب"

حصد "كليب" نجم الأغنية الشعبية حكيم "يا عم سلامة"، نسبة مشاهدة مرتفعة، على مدار يومين، فقد تجازوت نسبة المشاهدة 550 ألف مشاهدة منذ عرضه على القناة الرسمية بموقع الفيديوهات الشهير "يوتيوب".

"يا عم سلامة" من كلمات عاطف صادق، وألحان تامر حجاج وتوزيع إسلام شيبسي، وإخراج هادى الباجوري، وكلماتها:
يا عم سلامة راحت فين السلامة والحب والحنان
وليه الغلابة وكلاها الديابة والقسوة في كل مكان

لا سكة عارفين نمشيها ولا دمعة عارفين نداريها
أيام غامقة وعايشين فيها والغلبان على طول متهان
حتى السلام بقى ع الواقف شمال يمين كله مخالف
ولا حد فاهم ولا عارف ولا حد لاقي لنفسه مكان

يا عم سلامة ما تقولي في ايه
هيا القيامة هتقوم ولا ايه

ناس بتجرح وناس بتخدع ناس بتدبح وناس بتوجع
ناس في سيرة الناس تقطع ناس من الظالمين
ناس بتشمت وناس بغل ناس كتير مع ناس تقل
ناس في رزق الناس بتطمع ناس كتير خاينين

يا عم سلامة ما تقولي في ايه
تكونش القيامة قامت ولا ايه

الأيام ياما شوفنا الويل والنهار بقى زي الليل
لما خلاص فاض بينا الكيل والقلب بالأحزان مليان
طعم اللقمة خلاص بقى مر والأيام مش راضية تمر
قل الخير وكتر الشر والبشر بقى كله حيتان

يا عم سلامة ما تقولي في ايه
هيا القيامة قامت ولا ايه

ناس بتجرح وناس بتخدع ناس بتدبح وناس بتوجع
ناس في سيرة الناس تقطع ناس من الظالمين
ناس بتشمت وناس بغل ناس كتير مع ناس تقل
ناس في رزق الناس بتطمع ناس كتير خاينين

يا عم سلامة ما تقولي في ايه
تكونش القيامة قامت ولا ايه