"أنا مش هنتخب عمرو موسى" جروب جديد على "الفيس بوك"

دشن عدد من الشباب "جروب" على موقع "الفيس بوك" للدعوة إلى عدم انتخاب عمرو موسى الأمين العام لجامعة الدولة العربية ك"رئيس للجمهورية" بصفته من بقايا النظام السابق.
وأكد الشباب على صفحة الجروب عن بدأ تحريك الحملة على أرض الواقع، وذلك من خلال بناء قواعد حقيقية، بالإضافة إلى بدء تجهيز وتعليق بوسترات تضمن مضمون الحملة.
وقد شهد الجروب انضمام عدد كبير من الأعضاء بعضهم من المشهورين، ومنهم الكاتب الصحفى بلال فضل، فيما حملت الصفحة الرئيسة للجروب عدداً من الأسباب التى دفعتهم إلى تدشين الحملة، وهى كما تضمنته الصفحة "مش هانتخب اللى كان وزير فى حكومة الفساد وكان زميل فى حكومة الفساد اللى نهبت مصر.. مش هانتخب اللى سكت 30 سنة مع إنه لو كان قال ثورة كانت مصر كلها خرجت وراه.. وساب شعبه يغرق فى الذل والفساد والجوع والمرض والجهل (ده حتى لو مش فاسد فالساكت عن الحق شيطان أخرس).. مش هانتخب اللى كان أمين جامعة حكام العرب.. ومتناسى إن فيه حاجة اسمها شعوب عرب دايقه الذل والفقر والتعذيب على إيد حكامهم قبل إسرائيل.
مش هانتخب اللى أرجل موقف عمله فى حياته كان مجرد شجب وإدانة.. ويوم ما حب ياخد موقف زى رئيس تركيا أمين الأمم المتحدة شده وسيادته قعد على طول.. أنا مواطن مصرى حر.. مش هانتخب عمرو موسى.. وهنتخب مصرى عنده برنامج مش مجرد اسم منفوخ".