قوم يا مصرى

وعلى هامتك ابتدى شغل الرجال
ياللا قوم افخر بنفسك وإنت حاتهد الجبال
البلد محتاجة جهدك لجل ماننول الآمال
كل حاجة حلمنا بيها النهارده ف المنال
بس نبذل جهد أكبر نبنى ونهز الهلال
والقلوب الشايلة تصفى ده الهموم كانت تلال
ربنا زاحها وحمانا م الوحوش ومن الضلال
كل واحد فينا لازم ياكل اللقمة الحلال
شوف يا مصرى إزاى عزيمتك من عزيمة ذى الجلال
لما بتقرر تنفذ تتلغى كلمة محال
ثورتك ثورة إرادة وصفها فوق الخيال
خلتك تبقى المعلم للشعوب وتكون مثال
ياللا نرفض كل فاسد واقطع الفرع اللى مال
والوساطة والرشاوى تنتهى من غير سؤال
والتكافل الاجتماعى فى الجنوب أو فى الشمال
لما نبقى يد واحده الصليب ويا الهلال
النهار لازم حايطلع بعد ذل وليلة طال
حب مصر يكون هدفنا نفتديها بأى مال
حتى أرواحنا وولادنا فرض واجب الامتثال
ياللا نتعاهد نخلى مصر آية ف الجمال