مصر قلب واحد

الشر ليه جواك دفين؟ * جاى تخلِّى العيشه طين
جاى بتشعل نار وفتنه * إمتى إرهاب يبقى دين؟!
جاى تهدد ناس بريئة * جاى تخون تنصب كمين؟
مين عطاك الحق تقتل؟ * تنسف وتدبح مظلومين
كل دين قال التسامح * والعطف يرعى المحرومين
مهما ريح عدت علينا * مصر مش ممكن تلين
مصر جامع فيه أذان * شوف الكنيسة جرس رنين
تاريخنا يعزف لحن حب * عايشه بيه طول السنين
مركبنا ماشيه لبرأمان * راعيها المولى من الحاقدين
قلب نابض بالمحبة * مرسومة أحلام فوق الجبين
لو شوكه جات لحد فينا * كلنا يصبح حزين
العيد بيجى الكل يفرح * وف هَم واحد مجروحين
لو حب سابنا أكيد يتوه * لو سابنا حب يروح لمين؟
يا ما قبلك شر جانا * شاف أسود حاميه العرين
شاف قلوب بالحب تهتف * الله محبة تقول أمين
ساب بلادنا طار بعيد * حَلف وأقسم ميت يمين
مصر مش ممكن هتحزن * أو حتى تبكى فى يوم أنين
مصر الوطن والشعب واحد * حتى الوشوش متوحدين