السيسي:المصريون بيفطروا ويتغدوا ويتعشوا فى يوم واحد بتكلفة سنة بدول أخرى

قدم الرئيس عبدالفتاح السيسي، التحية لأسر والشهداء والمصابون، قائلا: "إنتم قدمتم حاجة عظيمة جدا، قدمتم ابنائكم لمصر علشان تبقى مصر، واللى اصيب اصيب لاجل خاطر مصر، علشان تفضل مصر واقفة، واقفة قدام إرهاب وتطرف ومحاولات لإسقاط الدولة المصرية، مؤكدًا أن الحفاظ على شعب قوامه 100 مليون أمر ليس باليسير".
https://www.youtube.com/watch?v=A0uddADIHI8
وتابع فى كلمته فى افتتاح قاعدة محمد نجيب اليوم السبت: الإرهابيين بيحاول ينالوا من معنويتكم وروحكم المعنوية، وحرصت أن احنا نكون موجودين هنا النهاردة، علشان أقولهم أبدا، لن تستطيعوا النيل من مصر، ولا من أشقائنا فى المنطقة، بس عاوز أقول لما احنا بنقول من فضلكم لا تتدخلوا فى أمورنا وشئوننا ده أمر شرعى ومحمود أن احنا لا نتدخل فى شئون بعضنا البعض، وكل دولة رغم اللى احنا بيجمعنا منطقة واحدة وثقافة وديانة واحدة لكن كل منا له خصوصيته".
وقال الرئيس السيسي فى رسالة للدول التى تتدخل في شؤون مصر الداخلية، قائلا: "يعنى أنتوا عاوزين تتدخلوا فى مصر، ده مصر فيها 100 مليون بيفطروا ويتغدوا ويتعشوا فى يوم، بأكل سنة من بعض الدول، احنا لما نيجى نعمل مشروع إسكان بنعمل مليون شقة فى سنتين أو 3، عاوز تتدخل فى مصر، تقدر أنت على مصروف مصر، تقدر تصرف 100 مليار دولار على مصر ماتقدرش فخليك فى حالك وبلدك احسن، ومصر لن تسمح أبدا ولا شعبها إن حد يتدخل فى شئونها، وماحدش هايقدر يتدخل فى شئونها ، والشعب المصرى هو سند مصر وأمته العربية فى الحق والسلام والبناء والتعمير لا فى الهدم ولا فى القتل ولا فى التأمر".