يا قبط مصر يا طيبين مش انتوا بس المجروحين كل اللى ماتوا أهلنا وأخوات لكل المسلمين العام جديد لكن ساعاته بدأت بليل الحزن ذاته وسؤال بيطرح نفسه ليه وبأى ذنب اخواتنا ماتوا ياولاد بلدنا المؤمنة عايزين نحكّم عقلنا عايزين نقول للفتنة لا ومانفتريش على بعضنا فى الهم واحد كلنا ولا دينّا قال ولا شرعنا برصاص جبان يسكت لسان إنسان يوحد ربنا وحدتنا إصرار والتزام واكبر وأبلغ م الكلام وللشعوب قدوة ومثل فى الحب والخير والسلام عاش الهلال ويا الصليب والدير من المسجد قريب إخوة ح نفضل للأبد ومفيش مكان بينّا لغريب احكم بحق الله يا قاضى وخلى سيف العدل ماضى حد القصاص الراس براس والروح بروح مش بالتراضى