شارك رجل الأعمال أحمد أبوهشيمة رئيس مجلس إدارة مجموعة حديد المصريين، فى حفل الإفراج عن 68 من نزلاء السجون، من بينهم 13 سيدة من الغارمين والغارمات، بعد أن تكفل بسداد كافة مديونياتهم، وتصالحهم مع الدائنين وصدور قرارات بإيقاف تنفيذ العقوبة المحكوم عليهم. ووجه أبو هشيمة، الشكر لرجال الداخلية واللواء حسن السوهاجى مساعد وزير الداخلية لقطاع مصلحة السجون وقيادات القطاع، قائلاً: "أشكر كل الناس اللى تعبت معانا عشان نقدر نعمل حاجة بسيطة، تعيدوا مع أهاليكم وأولادكم ونشوف المنظر الجميل اللى إحنا فيه". بالفيديو..أبو هشيمة: "السيسى بيموت نفسه علشان... by youm7 وأكد رجل الأعمال، أن سداد ديون الغارمات واجب، مضيفا:" أنا دائما بقول وبفكر نفسى قبل أى حاجة أن دا واجب عليا، لكونى مصرى مثلكم، كل واحد فينا قادر يساعد الثانى ميتأخرش، كلنا مصريين وهذه هى الروح المصرية وهذا هو واجبنا". كما وجه أحمد أبو هشيمة، رسالة للمفرج عنهم، قال فيها: "خلوا بالكم الأيام الجاية وكل واحد ربنا يرزقه مش مهم ياخد فوق طاقته وهذا درس لكم، والحمد الله قدرنا نعمل حاجة بسيطة عشان نقدر نساعدكم قبل العيد، وعليكم أن تعلموا أن هذا واجب كل مصرى، ومصر بالروح هتبقى أحسن بلد فى الدينا". وانطلقت الزغاريد فرحا بالموقف الإنسانى لرجل الأعمال أحمد أبو هشيمة، ووجه أحد الحضور الشكر، قائلاً:" أنت مثال لرجل الأعمال الشريف"، فيما رد "أبو هشيمة"،"كل رجال الأعمال فى مصر شرفاء ومحترمين، وهناك الكثير منهم يقدم أعمال الخير فى صمت". وفى نهاية كلمته، وجه أبو هشيمة، الشكر للرئيس عبد الفتاح السيىسى، لدوره فى النهوض بالوطن، قائلاً:" مش مجاملة الراجل بيموت نفسه عشان البلد". موضوعات متعلقة.. - حواديت الصبر.. مبادرة أبو هشيمة لسداد ديون الغارمين تكشف قصص المكلومين داخل الزنازين.. هدى: "دخلت السجن عشان ما عرفتش أجهز بنتى".. حمادة: تحملت الحبس بدل مرات أخويا.. عاطف: سُجنت بسبب "توك توك"
