الغندور عن انتقال الشناوى للأهلى: الزمالك لا يقف على أحد

نشر الإعلامى خالد الغندور، عبر صفحته الرسمية على موقع التواصل الاجتماعى "فيس بوك"، ردا على خبر انتقال حارس مرمى نادى الزمالك أحمد الشناوى إلى القلعة الحمراء، قائلاً: "ناس كثير جدا بتقول إن الشناوى راح الأهلى ومضى طيب اشمعنى دلوقتى وخصوصا إن لسة بدرى على نهاية الموسم وعلى فكرة هو عنده شرط جزائى ومن حقه إنه يمشى بس سواء هو موجود فى الزمالك أو قرر الرحيل الزمالك لا يقف على لاعب وخصوصا من يفضّل المال عن حب الجماهير وفى النهاية سنرى هل مضى فعلا ولا مجرد كلام من بعض الصحفيين المنتمين أو اللى عندهم خلاف شخصى مع مرتضى".
وعن "قنبلة التسنين" وعلاقتها بتركه قناة أون تى فى الفضائية بسبب موضوع الذى أُثير فى الآونة الأخيرة والتى تخص لاعب الأهلى والمنتخب المصرى رمضان صبحى قائلاً: "البعض يسألنى هل رحلت عن أون تى فى بسبب موضوع رمضان صبحى ولكن الحقيقة إنى لم أقل إن رمضان مزور أو مسنن فى حلقة يوم الثلاثاء وقلت هناك لاعب بالمستندات مسنن ولم أكن أقصد رمضان وفوجئت بحملة مدبرة من شوبير ومحمد فاروق وكلام من أكثر من صحفى وأخيرا كابتن عادل طعيمة الذى تكلمت معه وقلت هو حضرتك يا كابتن عادل سمعتنى بقول كده قال لا ولكن المواقع والإعداد الذى دخلنى هو اللى أكد هذا الكلام والغريبة و العجيبة من فعل هذا اللغط هو صفحة شوبير و الصورة التى قيلت إنها سنة ألفين وقال أصل الناس غلطت وبعد كده هاجمنى طيب المفروض من يهاجم يجيب الفيديو اللى أنا قلت فيه هذا الكلام و أعتقد فيه يوتيوب و حلقة الثلاثاء موجودة و لكن الغرض معروف".
واختتم كلامه قائلاً: "وأخيرا ستعرفون قريبا جدا إذا كنت رحلت عن أون تى فى أو موجود وساعتها ستعرفون كل حاجة و الحمد لله رب العالمين و على فكرة محمد نصر المخرج هاجمنى برده و كلمته قلت له يا نصر أنت سمعتنى أنا قلت كده قال لا المواقع كاتبه و غيرهم كثير مراسلين و صحفيين و محللين و الغريبة ما فيش و لا واحد فيهم نزل كلامى عشان الحملة تبقى تمام و لكن ربنا موجود و هيجيب لى حقى و الحمد لله رب العالمين".
أخبار متعلقة:
مرتضى منصور يفتح الأبواب لاستقبال الجماهير الزملكاوية.. تحذير من الشماريخ و"اليفط المسيئة"..يهاجم جمال الغندور ويهدده بكشف المستور فى قرية 100 قرشى.. ويقول للحكم نور الدين "لو راجل حكم للزمالك تانى"