بالفيديو.. مرتضى منصور يفتح النار على شوبير: هعلمك إعلام ولا ايه

هاجم المستشار مرتضى منصور رئيس نادي الزمالك، الإعلامي أحمد شوبير، بعد إذاعته بيان لممدوح عباس رئيس النادي السابق، دون أن يتحدث معه هو الآخر.
وقال "منصور" خلال اتصال هاتفي مع الإعلامي "خالد الغندور" ببرنامج "اللعبة الحلوة" المذاع على فضائية "LTC": "ما هي صفة ممدوح عباس علشان شوبير يذيع له بيان .. ده واحد رئيس نادي سابق جه بالتزوير والمحكمة اللي قالت كده".
وأضاف "كفاية يا شوبير بقي .. وبتقول ده بيان من مركزه الصحفي، صحفي ايه وزفتة الطين ايه، انت كده يا شوبير بتخسر نادي الزمالك، يعني ينفع نذيع بيان لمحمد مرسي بصفته انه كان رئيس عبيط".
وتابع "ده مش اعلام دي ناس فتوات، انت ازاي تذيع بيان لواحد مشطوب من النادي ضد رئيس النادي، بس تقريبا مفيش فايدة في الكابتن شوبير .. انا مش هعلمك اعلام يا شوبير وتكون عارف انك لازم تجيب الرأي والرأي الآخر، كان لازم تكملني علشان ارد".
الفيديو..