بالفيديو.. شوبير: «مرتضى» حذر لاعبي الزمالك من التعامل معي.. «ريّحت بالسلامة»

انتقد الإعلامي أحمد شوبير، قرار رئيس نادي الزمالك الجديد، المستشار مرتضى منصور، بمنع لاعبي الفريق الأول وجهازه الفني من عمل مداخلات مع برنامجه.
وقال «شوبير»، في برنامجه «في الملعب»، الذي يذاع على فضائية «سي بي سي 2»، أمس الثلاثاء: «رئيس نادي الزمالك منع اللاعبين من التعامل مع شخصي، وأن من يدلي بحديث معي يتم تغريمه ب50 ألف جنيه، وتُعلق الورقة في غرفة خلع الملابس».
وتابع «شوبير»: «إن شالله ماتعاملت يا أخي، ممدوح عباس قاطعنا قبل كده ومانويل جوزيه واتحاد الكرة، اللي مايتعاملش معانا هو الخسران».
واستكمل: «معندناش خسارة خالص، عندنا الخبر وكنا هنجيبه في النور، دلوقتي هنجيبه في الضلمة، والأسرار كلها عارفينها، وبالتالي نحن نقاطعك، بالسلامة، كل اللي بيحصل جوا المجلس وبره المجلس عندنا وهتلاقيه على الهواء، ريحت، بيني وبينك ماكناش مش عارفين هانتعامل معاك إزاي».