راضى بقليله!!

المصرى دايماً صابر وساكت راضى بقليله
بقى شىء أساسى كتر المآسى واتهد حيله
عمال يآسى وياريته راسى واحتار دليله
قهر وعذاب ظلم وخراب لسة يا ويله
غريب فى بلده والغربة مرة.. وكأنه فيه مالهوش مكان!
وزّاى يا ناس وبلدنا حرة.. والغرب مشيوا من زمان
إحساس غريب صعب ورهيب.. ضايع شعوره بالأمان
فقير بيصبر مريض بيشكر.. تملّى واخد ع الحرمان!
كاتم فى قلبه ما بيشتكيش.. طالب حياة نفسه يعيش
كفاية بعد كفاية تهميش.. إنسان ده ولا مش إنسان؟!
راضى بقليله ويا ريته طايله.. حتى قليله غضبان عليه!!
حمله ثقيل ولوحده شايله.. ولحد إمتى آخرتها إيه؟!
ومين يواسى ومين يحايله؟.. يمد إيده ياخد إيديه؟!
دكتور نظيف ومعاه زمايله.. خربوا بلدنا وقاعدين ليه؟!!