خدوا الحكمة من أهل الشعبى.. 5 حكم من أغانى المهرجانات عن الصبر والحياة

"خدوا الحكمة من أغانى المهرجانات"..أغانى المهرجانات لها شعبية كبيرة، وانتشرت مؤخراً بين الكثير من الفئات فى المجتمع، ومن جهة أخرى ينتقدها البعض على أنها مجرد مقاطع موسيقية صاخبة وقد لا نلتفت للحكم العميقة الموجودة بداخلها ما بين الصداقة والغدر والخيانة والزمن، نجمع لك أهم 5 حكم تتعلمها من أغانى المهرجانات.
1 – "مفيش صاحب يتصاحب" هذا هو اسم المهرجان وفى نفس الوقت الحكمة التى سوف نتعلمها من المهرجان، الذى قدمه فريق "شبيك لبيك" الشهير ب"أولاد سليم اللبانين" المكون من حسن البرنس، ناصر غاندى، فارس حميدة، وتتوالى الحكم في هذا المهرجان ومنها "التقدير خسرنى كتير، لما اللى منك يجرحك طب قولى مين هفرحك بعد ما تتعب ما تلاقيش في الدنيا حاجة تريحك، كنت بعامل الناس بضمير والتقدير خسرنى كتير بس خلاص فهمت اللعبة"، وتتابع الحكم الموجودة فى المهرجان منها أيضاً " زمن عجيب ملوش حبيب زمن مليان بالبلاوى يا ولاد آدم مهيش دايمة ...وتتوالى الدروس "صاحب جنيه هتصبح بيه".
2- يمتلئ مهرجان " فرتكة فرتكة" بالحكم والدروس منها الابتعاد عن أصدقاء السوء ومدمنى المخدرات: "ليه محدش حاله عجبه والكل بقى بيتوتر فيه اللي بيرفع حاجبه عشان شارب ومخدر ابعد متكونش جنبه لتكون شبهه وتتكدر فيه اللي مبرشم ومسطر صحتك ضاعت منك دايما بتحس بوحدة"، ومن الحكم أيضاً "مش بفلوسك هيقولوا عنك راجل الرجالة ياللى أنت عايم على الفتة البس قمصان وجاكتة صبح على كل الحتة وامشى براحتك واتمختر الدنيا دي حكاية وقصة والناس فيها ما تتوصى زمن المودة خلاص عدى..زى السمك احنا بقينا ناكل فى بعض ما خلينا وبالقليل ماحناش راضيين بقى كله يجرى ورا المادة."
3- "قدر تتقدر وكدر تتكدر" من أهم الأشياء والحكم التى سوف نتعلمها من مهرجان "حبيشة..ابن حلال"، علاوة على مجموعة من الحكم الأخرى منها "ممكن تموت لو عشت يوم خايف.. تفتح عينك وتبقي مش شايف.. وتلاقي عمرك يتسرق وفي مطرحك واقف.. عايز تكون وسط الأسود عافر وكافح.. تتشاط تشوط تنهي السكوت وقدرت هتسامح.. التلميذ عملولو سلاح.. والمستقبل مش مضمون.. والبريء عملوه سفاح.. والعاقل خلوه مجنون.. يازمن آسي جاحد ياهوه.. مش قادرين بقي نفهموه".
4- مهرجان "الناس مبترحمش" لأوكا وأورتيجا به العديد من الدروس المستفادة حول قسوة الحياة وغدر البشر وخيانتهم، "الناس مبترحمش وكأن اللي حصل ما حصلش الكل شادد حيله علي بعض وفاكر نفسه بطل ومحدش فاهم حاجة بليل شمس والصبح قمر وبعد ماعملوا العملة يقول نصلح اللي انكسر متكبر جري دماغك فكك من الباقيين ربك حطك مختار كمن اللي شبعانين لما انت تكون ربك كارمك في العيشه وشر المال واخدك عايش مرتاح بس لوحدك يبجي ايه".
5- مهرجان "ناس" للدخلاوية، به العديد من القصص والدروس حول الناس وغدرهم وأصدقاء السوء "ناس ميفمهموش ميعذروش ميرحموش ميقدروش ده طبع ناس" مالك ومال الناس لكل مشكلة حل..نحكى الحكاية من الأول نسمعها مش هنمل".