بحبك.. لما يصحينى فى كل ليلى فقدك.. أجرى عَ الجاليرى فى موبايلى وكبًر وبوس صورتك.. وأقول يا حبيبى بحبك..! ,,,,, بحبك.. وروحى نايمة فى حُضنك.. ولما نور الشمس ياخُدنى لمَسار خَطوك.. والضل ينادينى فى سِكة مشيك.. أجرى ألحقه.. أسبقه لَتِبعد عنى فِ سَفرك..! وقلبى مش عاوز أدوس على أثرك..! ودمه يجرى شارة حمرا تِمنع غيرى يعدى ويرتل سبحان من خلقك..! فالدنيا يا حبيبى حِدودها مِتعطرة ب حُبك.. ويِنتهى الوجود فى الحتة اللى ما فيها ريحتك..! ولا بيها شبه من رسم وجهك..! .......... بحبك.. تعرينى.. تغطينى ب رمشك.. فمرتبتى الصَفرا مفروشة وضفافها جِفنك..! ووسادتى العَسلى النينى اللى ف عينك..! كلى جواك ولسه بتقولى أنا مش شايفك..! ...... بحبك.. وح ستناك مهما رَمِيت عُمرى ب صمتك..؟ عارف ليه..؟ مش لأنى رِقٌ فى عشق روحك..؟ ولأن سبحان.. سبحان من لضم نهايتى فى بداية عمرك..! وأسرى بى رزقاً فى زورق حُبك..! ويِعرف قد إيه قد إيه أنا بحبك..؟ ...... بحبك..!