محمد عطية يسخر من لاعبى الزمالك: مش كل ما رمضان يعمل الجلاشة تضربوه

سخر الفنان محمد عطية من غضب لاعبى نادى الزمالك بسبب وقوف لاعب الأهلى رمضان صبحى على الكرة أثناء المباراة قائلا: "خلاص يا جماعة بالمنطق ده إحنا نلغى كل الحركات اللى فيها إهانة للخصم.. الكبارى والرابونا والرينبو ونخليها باصات وشوط بس..عشان بيتقمصوا".
وأضاف عطية فى تغريده له على صفحته بموقع التواصل الاجتماعى تويتر: "الناس اللى بتقول الحركة مش أخلاقية ممكن يعملوا شير لنفس الحركة لو نيمار عملها ويكتب يا إبن اللعيبة عادى.. اللى مش أخلاقى هو رد الفعل.. مش كل ما رمضان يعمل الجلاشة تضربوه.. عيب كده يا جودعان".
يذكر أن نادى الأهلى فاز اليوم ببطولة كأس مصر بعد فوزه على نادى الزمالك 3-2 فى المباراة التى أقيمت مساء اليوم بالإمارات.