والدة ضحية قطار الهايكستب تُقبل يد وزير النقل وتبكى: متسبناش لوحدنا

فوجئ المهندس هانى ضاحى وزير النقل أثناء زيارته مساء اليوم المصابين فى حادث قطار الهاكستب بوالدة أحد ضحايا الحادث تُقبل يده وتبكى قائلة: "اترجاك وحياة ولادك متسبناش لوحدنا.. احنا ملناش حد فى الدنيا دى.. وابنى كان هو اللى بيصرف علينا".
وقالت الحاجة كواكب عبد الرحمن للوزير: "ابنى محمد شغال ارزقى وكان هو اللى بيصرف علينا بعد وفاة زوجى.. ودلوقتى ايده اتبترت فى الحادث ونايم فى السرير ومعاه بنت بنتى ملك اللى كانت معاه فى الحادث"، ورد الوزير: "الوزارة متكلفة بعلاج ابنك وبنت بنتك ومش هنسيبكم لوحدكم".
وطالبت الحاجة كواكب وهى تبكى بتعيين ابنها المصاب بالسكة الحديد قائلا: "ابنى بقى معاق ومش هيلاقى شغل ومفيش حد هيرضى يشغله اترجاك تشغله فى أى وظيفة عشان يصرف على البيت"، ليرد الوزير: "احنا متكفلين بعلاج ابنك وبنت بنتك حتى يقفا مجددا على قدمهما والانفاق على الأسرة وتعيين ابنك كمان".