حبيبتى بكل الفصول

يسألون يبحثون عن حبيبتى بكل الفضول
سأخبرهم أنكِ حبيبتى بكل الفصول
فى برد الشتا هى معنى الدفا
يتجمد الإخلاص تفضل أكيد الوفا
حبها أبيض سحاب ومطر كله صفا
أيوه بحبها وبعلو الصوت حقول
فى جو الربيع حبيبتى أحلى الزهور
فراشة طايرة وأجمل عصفور
حبها أصل الزرع حتى اسألوا البذور
لما بقول لها بتقول لى معقول
لما تسقط فى الخريف كل أوراقى
يفضل عشقك جوايا باقى
حبها جذورى فروعى وساقى
رغم بعدك بحلم بيوم الوصول
فى حر الصيف حبيبتى النسمة
ضحكتها بجد أجمل بسمة
حبها فى قلبى أجمل رسمة
كل يوم يعلى وماله نزول