بالفيديو..أم مثالية بعد مقابلتها الرئيس: "حسيت إنى قاعدة فى الجنة وقولتله أنت هدية ربنا لينا"

التقت كاميرا "فيديو7 قناة اليوم السابع المصورة" بالسيدة آمال حسن الشهيرة بأم حسن التى فازت بلقب الأم المثالية وحصلت أمس على شهادة تقدر ووسام الكمال من الدرجة الثانية ومكافأة 50 ألف جنيه أمس من الرئيس عبد الفتاح السيسى، وذلك لتربيتها لأولادها الخمس بعد وفاة زوجها وعملها بمهنة ماسحة أحذية حتى استطاعت أن تقوم بتربية أولادها وقامت بإكمال تعليمها أيضاً حتى استطاعت أن تصل للفرقة الثانية بكلية خدمة اجتماعية بجامعة حلوان.
تقول آمال لكاميرا "فيديو7 قناة اليوم السابع المصورة":"وزارة التضامن اتصلوا بيا وطلبوا منى أحضر بكره فى الوزارة واتفاجئت هناك إنى هقابل الرئيس ومصدقتش نفسى وقتها وفرحت جداً لأنى كنت بتمنى ده والحمد لله ربنا كرمنى وقابلته".
وتابع: أول ما شوفته كنت فرحانة جداً وقولت له حضرتك أنت هدية ربنا لينا وأنا كان نفسى أقابل حضرتك والحمد لله ربنا أدانى أمل إنى أقابل حضرتك عشان أنا نفسى أدخل البرلمان، وأنا مش معايا فلوس إنى أقدم أو أعمل دعاية وحسيت وأنا قاعدة معاه إنى فى الجنة وكلنا كنا حسيناه ده وأدب وتدين وإنسان.. ومهما أقول وأوصف مش هقدر أقول إنسان عظيم وإن شاء الله يخوض بمصر المرحلة الصعبة دى، وكنت عارفة إنك رجل عظيم عرفت دلوقتى إنك أعظم رجل فى العالم ".
أضاف :"ربنا كان عالم بي وبعتلى المكافأة وناوية أجهز بنتى بيها وأبيض شقتى ربنا يكرمه يارب، وناوية أبروز الشهادة وأعلقها على الحيطة وأحط الوسام فى درفة عندى".