لأن المواطنين فى مصر لم يعتادوا هذا البرد القارس، ولأننا اعتدنا أن تكون «الدنيا ربيع والجو بديع»، لم نعرف كيف نواجه هذا الانخفاض الحاد فى درجات الحرارة الذى ربما لم نشهده من قبل، لكنّ مستخدمى مواقع التواصل الاجتماعى تبادلوا النصائح فيما بينهم بطريقة ساخرة، لحماية أنفسهم من البرد، وذلك فى إطار هاشتاج «قواعد الدفء الأربعين». وحاول مستخدمو الموقع تقديم نصائح، كان أبرزها عدم الاقتراب من الثلاجات، واستغلال الأخ الأصغر فى قضاء الخدمات، وعدم التفكير فى الشياكة أو الموضة فى هذا الوقت من العام، بالإضافة إلى نصيحة خاصة للمتزوجين بالإكثار من العقاقير المانعة للخلفة، حتى لا تحدث أزمة فى زيادة السكان. النصائح تضمنت: «قطع صوابع رجليك وأرميهم فى الدفاية واقعد قلبهم، قربة ميه سخنة تحت رجليك فى السرير، كلسونك ثم كلسونك ثم كلسونك، ادخل اقعد فى الفريزر لأن الجو فيه ادفى من الجو العادى، اقعد فى الفرن واعمل واحد أمبليه، إملا البانيو ميه مغليه وانزل فيه، البس الدولاب وإنت نازل الصبح، دفّى إيديك فى قفا إخواتك». كما ذكر الناصحون جملًا مثل: «وأنت تحت الباطنية ودفيان، افتكر أن دلوقتى فيه راقصة قالعه هدومها وعريانه علشان تجيب رزقها ورزق عيالها، غمض عينك واحلم إنك فى جمصة فى الصيف فارش وتراقب أسراب القريدس وهى بتحمى بيضها من هجمات السلطعون المتكررة، في حالة عدم وجود القفازات لتدفئة اليدين تستخدم الفخاذ كبديل عن طريق وضع اليدين أسفلهم». رفاق «تويتر» قالوا أيضًا: «خلى أخوك التخين أو أختك التخينة يقعد ف سريرك يدفهولك وبعدين قومه ونام انت، لو صحيت ولقيت أمك مقلعاك الشراب اللى انت لبسه بحجة إن لبس الشراب وانت نايم بيخليك غبى اتبروا منها دى مش ممكن تبقى أمك، اوعى تفكر فى الموضة ولبس الشتا الشيك والكلام ده لو قدرت تاخد البطانيه وانت نازل متترددش». وجاء بالإشاردات: «اتأكد إن الشباك محكم الغلق ولو لزم الأمر سد الحروف باللصق العريض، يا بختك لو عندك أخ صغير، اتدفى وعذبه فى البرد، الشغل مش كل حاجة فى الدنيا، اقفل الموبايل ونام تانى، اتغطى كويس، البس شراب طويل، إوعى تنسى شوربة العدس، اعمل ميت قبل ما أبوك يقلك اعمل شاى».