والد شهيد يرفع لافتة شكر للرئيس بالتحرير لحضوره قداس عيد الميلاد

بالرغم من برودة الجو وانخفاض درجات الحرارة، تحدى "أبو مينا" صقيع الشتاء وتواجد وسط صينية ميدان التحرير، لتوجيه شكر للرئيس عبد الفتاح السيسى رئيس الجمهورية لحضوره قداس عيد الميلاد المجيد أمس فى الكاتدرائية فى العباسية.
"مجدى إسكندر" مسن فى العقد السادس من عمر، يقول: "الرئيس فاجأ العالم كله أول رئيس بعد محمد نجيب، وحضر القداس، ودى رسالة كبيرة للعالم كله، واهتمام محسناش بيه من أى رئيس سابق".
ويضيف "أنا والد الشهيد مينا جيت ميدان الثورة علشان أشكر الرئيس على الإحساس الذى وصله للمسيحيين خصوصا والشعب كله إمبارح، حسينا باهتمام من رئيس الدولة غير عادى، حسينا أن مصر رجعت للمصريين كلهم ومش بتاع فئة دون غيرها".
وبالرغم من برودة الجو وعمر المسن الذى تخطى العقد السادس، يقول أبو مينا، إن البرد دا مش بيهمنى لأن حاسس بدفئ غريب كمواطن مسيحى، رسالة الريس لينا إمبارح وحضوره القداس كانت مفاجأة كبيرة وأنا نفسى مكنتش متوقع أنه يحضر".
ووجه إسكندر رسالة للرئيس قال فيها "ربنا بيحب مصر علشان بعتلها عبد الفتاح السيسى، ياريت الأغبياء اللى قلبهم أعمى يعرفوا رسالة الرئيس اللى بعتها للعالم لحضوره قداس عيد الميلاد، هما مش هيدركوا معنى حضور القداس لرئيس مصرى منتخب" .
وحمل أبو ميناء لافتة خشبية كتب عليها "أول عيد بيجى علينا فى مصر وإحنا معيدين من غير خوف، فخور بإننا مصريين مسلمين ومسيحين، رئيسنا المحبوب البطل عبد الفتاح السيسى المحبوب على قلوبنا حضر قداس عيد الميلاد".