بره وجوه

من بره هلا هلا جمال وحلاوة وانتشار
من جوه يعلم الله فاحص الكلى وعارف الأسرار
تضحك على ماشى تضحك على عيرى ممكن
لكن فدام ربك عريان ومكشوف وربك حليم ستار
من بره جمال الوجه بالمساحيق ممكن
مع حلاوة اللسان ينقط عسل يعزف كما الأوتار
من بره أهلا وسهلا مرحبا صيتك هنا وهناك
الحاضر يقول للغايب تعالوا هذا هو الجبار
من جوه غير كده خالص
تخطط وترسم إنك فى النهاية هبار
مايهمك صداقة أو أخوة أو جيرة أو عشرة
كل اللى يهمك مصلحتك حتى لو دست على النوار
ربك يمهل ولا يهمل
مسير الأمور تنكشف وتسطع الأنوار
تودى وشك فين من اللى حواليك
وان هربت من الكل مسير أمرك ينكشف يا غدار
باب التوبة مفتوح قدامك
التوبة تغفر و تسامح تغسل الأوزار
ربك يدى الفرصة تلو الفرصة للتوبة
لكن فى النهاية عدله هو سيد الأقدار