بالصور.. محمد الشيمى "قال للزمان ارجع يا زمان" بركن صغير فى الزمالك

تسحب المساحة التى يحتلها على امتداد رصيف شارع المنصور بحى الزمالك الجميع مثل آلة الزمن إلى عشرات السنوات الماضية، بوجوه نجوم الزمن الجميل، وصور القادة الذين حفروا تاريخ هذا البلد بداية من عصر محمد على، كأنهم خرجوا للتوا ليندمجوا فى عالمنا مرة أخرى، مساحة متوسطة تجد داخلها كل صورة تبحث عنها لأى شخصية تاريخية، وحصر شبه كامل لأفيشات الأفلام، وحتى المستشرقين واللوحات الفنية، بعضها فى شكله القديم وبعضها يطل علينا عبر تفاصيل عالمنا الحالى بداية من "المج" وحتى الطاولات وبوسترات الحائط.
"زى زمان" لافتة كبيرة تحمل اسم المكان، وداخله يستقر مؤسسه "محمد الشيمى"، ومن حوله بعض الزبائن يسألون عن تاريخ الصور والأشخاص، يجيبهم ببساطة قبل أن يعود ليسرد بداية قصته: "أنا ببنى فى الأرشيف ده من حوالى 15 سنة، بدأت مع عمى اللى كان شغال فى الميكروفيلم لسنين طويلة، وكانت تقريبا معظم شركات الأفلام ومعظم مصورى مصر بيحمضوا عنده نيجاتيف الأفلام، ومن صغرى سحرنى الموضوع واشتغلت معاه، وبدأت أدور بنفسى وأكبر الفكرة لحد ما قررت أعمل المساحة دى عشان تحافظ على التراث بشكل جديد".
ويتابع: "أهم دافع للبداية كان اندثار معظم أماكن الميكروفيلم وظهور ثقافة الديجيتال، وعشان كده كان مهم إن حد يحتفظ بده، ويحاول قد ما يقدر يحوله لديجيتال وللعالم الرقمى اللى بيسيطر على كل حاجة دلوقتى".
ويشير "الشيمى": "بعد سنين طويلة فى الشغل وخصوصا إنى بقيت بتعامل مع أجانب كتير، كان لازم أبقى واجهة لبلدى وللتاريخ اللى بقدمه لهم، وعشان كده كان لازم أدرسه عشان أقدر أشرحه للكل، سواء حد مهتم إنه يشترى حاجة أو مهتم إنه يتفرج ويتعرف على الشخصيات المصرية وتاريخها أو حتى الأماكن الأثرية".
زى زمان.. مساحة محمد ليعود بالزمان لزمان
محمد يقوم بعرض مجموعة من الأعمال التى جمعها
img src="http://img.youm7.com/images/issuehtm/images/daily/mosaammelmaktaba/3.jpg" alt="وجوه الشخصيات التى أثرت فى حياة المصريين داخل "زى زمان"" title="وجوه الشخصيات التى أثرت فى حياة المصريين داخل "زى زمان""/
وجوه الشخصيات التى أثرت فى حياة المصريين داخل "زى زمان"
زى زمان
محمد الشيمى فى زى زمان