خالد يوسف:"أقسم بالله مش داخل الانتخابات إلا عشان أجيب حق الغلابة"

نشرت صفحة المخرج خالد يوسف، المرشح المحتمل للانتخابات البرلمانية القادمة، مقطع فيديو من كلمته أمام أهالى دائرته بكفر شكر، بمحافظة القليوبية، والتى أكد خلالها على أنه لم ينوِ الترشح إلا من أجل العمل على جلب الحقوق ل"الغلابة" على حد وصفه.
وأضاف يوسف قائلاً: "والله ودا قسم أتحاسب عليه يوم الدين إنى مش داخل الانتخابات غير عشان أجيب للغلابة حقوقهم، ولولا أن فيه غلابة فى دايرتى ووطنى مصر مكنتش نزلت".
وتابع قائلاً: "أى نائب ينزل لازم يبقى عنده أهداف وفيه ناس كتير انتهازيين بيدخلوا الانتخابات من أجل الوجاهة أو الشهرة أو تسهيل أعمالهم، وأنا الحمد لله معنديش أعمال ومش نقاصنى شهرة، ومش نازل غير عشان أجيب للناس الغلابة حقوقهم اللى لسة مخدوهاش بعد ثورتين مات فيهم شهداء كتير".