بالفيديو.."هابى فالنتين ع الناس الطيبين"..وجوه مصرية تروى علاقتها بعيد الحب: مواطن يسأل: يعنى إيه فالانتين؟.. وآخر: الصدق والمشاعر زمان كانوا أحسن"..وسيدة:"معرفش غير عاشورا..ومسن: ربنا يصلح حال مصر

"عيد الحب " مناسبة عالمية تحتفل بها كل دول العالم، مع اختلاف التوقيت، حيث إن له موعد فى كل دولة وفق السياق التاريخى لهذه المناسبة ومرجعيتها التاريخية، ويعرف العالم كله عيد الحب باسم يوم «الفالنتين»، وتحتفل معظم دول العالم بهذا العيد فى 14 فبراير من كل عام.
وفى مصر نحتفل به فى 4 نوفمبر من كل عام، وهو اليوم الذى اختاره الكاتب الصحفى مصطفى أمين نزولا على رغبة بعض القراء فى عموده الشهير "فكرة"، وهو يوم عيد الحب المصرى.
كاميرا "اليوم السابع" رصدت ذكريات مجموعة من كبار السن، فى يوم الاحتفال بعيد الحب، وهل يحتفلون به ؟! وماذا عن طرق الاحتفال، حيث قال أحد المواطنين :"مكناش بنحتفل وإحنا صغيرين..إحنا شقينا "، موجها رسالة حب لكل المصريين ورئيس الجمهورية قائلا :" كل سنه وهما طيبيبن ومصر طيبه وربنا يخلينا السيسى يارب".
وفى السياق ذاته قالت سيدة إنها لم تحتفل بعيد الحب، قائلة:" معرفش على أيامنا كان فيه ولامافيش لكن ولادى دلوقتى بيحتفلوا بيه"، موجهة رسالة تهنئة للمصريين :" دايما كدة إحنا فى أعياد إنشاء الله ومصر فى خير انشاء الله".
واستطرد آخر قائلا :" احتفلت بيه زمان أيام ماكنا شباب كنا بنطلع ونتفسح دلوقتى مافيش، كبيرنا وأيام الحب زمان كانت أحسن من دلوقتى.. الصدق والمشاعر كانوا أحسن من دلوقتى واللى حبتها زمان هى اللى لسه معايا وماعييش غيرها وربنا يخليها ليا..وربنا يخليلنا مصر ".
فيما تسآءل آخر :"يعنى إيه فالانتين "، وعند الإشارة إلى أنه عيد الحب، قال :"سمعت عنه وماحتفلتش قبل كدة بيه".
وأشار آخر عقب إهدائه وردة أنها المرة الأولى التى يحتفل فيها بعيد الحب، قائلا :" نفسى الدنيا كلها تحب بعضها لو الناس كلها حبت بعضها هنلاقى الدنيا كلها جميلة " .
وأضاف أحد المواطنين أنه يحتفل بذلك اليوم كاحتفال أسرى، قئلا :"ما بحتفلش بيه برا..وكل سنه والناس طيبيبن ووربنا يكرم الناس كلها ويفضلوا فى محبه وحب على طول".
وعقب آخر أنه لايعرف أن اليوم هو عيد الحب قائلا :"إحنا ناس غلابه وعلى قد حالنا.. ومصر طيبه وبخير وربنا يوفق الناس بحالها ".
وأضافت أخرى:" أنالم أحتفل به ولم أعرفه من قبل ماعرفش غير عاشوراء وربنا يصلح حال مصر ويروق الحال وكل الناس تبقى بخير".