"إثبت إنك مصرى".. هاشتاج جديد لقياس انتماء المصريين.. النشطاء يسارعون بإثبات هويتهم ويؤكدون: الشعب المصرى تعرفه من صورة البطاقة.. والحادثة فى الشارع مش بتوقف المرور لكن الناس اللى نزلت تتفرج

دشن مستخدمو موقع التواصل الاجتماعى "تويتر" هاشتاج بعنوان، "اثبت إنك مصرى" للسخرية من بعض العادات الغريبة التى يتميز بها المصريون، حيث تبادلوا التعليقات والإفيهات الساخرة التى يستخدمها الشعب المصرى فى حياته اليومية والتى تظهر من خلالها بعضا من معاناة المصريين ومشاكلهم.
كما حرص بعض النشطاء على إظهار انتمائهم لمصر عبر الهاشتاج بصورة طريفة وذلك عن طريق سرد بعض المواقف المضحكة التى حدثت لهم فى الماضى، كما قام آخرون بتبادل الإفيهات الساخرة التى يستخدمها الشعب المصرى.
ووجد الهاشتاج تفاعلا كبيرا من النشطاء فاحتل المراتب الخمس الأولى بعد تدشينه أمس، فأخذوا فى سرد تصرفات المصريين فى المواقف الحرجة، قائلين "لما يكون فى حادثة فى الشارع مش بتوقف المرور! اللى بيوقف المرور الناس اللى نزلت تتفرج"، "لما بعدى طريق إتجاه واحد ببص شمال ويمين"، "بكام ده، ببلاش يا باشا 200 جنيه بس، اتفضل، طب ما تخلى طب بياخد الفلوس يحطها فى جيبه".
فيما تبادل آخرون الكلمات التى نستخدمها فى حياتنا اليومية، قائلين "صاااموو عليكووو، عيكوو صاباراكااتوووو...اتفضل"، "دى حاجه بالفكاكه كدا مش محتاجه اثبات"، "اربط نفسك فى ساقية ولف حواليها او اقولك بلاش هى الساقية موجوده والحبل كمان مربوط"، " انت راجل ميه الميه..اسيادنا راضيين عليك يا شيخ".
فيما سخر عدد من المستخدمين من صور المصريين فى البطاقة الشخصية، قائلين "واحدة صورتها فى البطاقة بالمنظر دة، ابقى مصرية ولا مش مصرية يا متعلمين يا بتوع المدارس"، "صورتنا كلنا فى البطاقة شبه واحد"، " ياسطا والنعمة مصرى والمصحف مصرى تحب تشوف البطاقه ولا بلاش البطاقة لحسن شكلى فيها مش انا اساسا".
وألف آخرون عدد من المقولات الساخرة، قائلين :"واحد مصاحب على علوكا واشرف كخة عاوزة يبقى اية روسى"، "بيبان علينا مش محتجين نثبت وبنعرف بعض بسهوله برده".
موضوعات متعلقة:
"اللى هكتبه لما أكون سواق ميكروباص".. هاشتاج يحصد الأكثر تداولاً ب"تويتر".. وأشهر التعليقات: "بص بحنية".. و"اللى يحضر عفريت ميعرفش يصرفه يعرف أن السواق حيقرفه".. ورصد أبرز المقولات بخلفية السيارات