"كلام مالوش لازقة"كتاب من الأدب الساخر

"كلام مالوش لازقة".. عنوان الكتاب الصادر حديثا عن دار الدار للنشر، للكاتب الساخر فتحى سليمان.
الكتاب يقع فى 60 صفحة ويحوى عددا من المقالات، تنتقد الأوضاع السياسية والاجتماعية والرياضية بطريقة ساخرة، ومن بينها "كلام مالوش لازقة"، عملية نقل مخ، الحلم الأمريكى، عويس، الكورة مع شوبير ومارجعتش تانى، دواسة تاكسى، بختك .. دوت كوم، كلاب الشوارع.. بحبك بشكل تانى، بكره، فيها لاخفيها.." وغيرهم.
كما يحوى الكتاب عدد من الصور الكاريكاتيرية لكوكبة من رجال الإعلام والفن منهم "الكاتب صلاح عيسى، مجدى الجلاد، عبد الله كمال، أسامة غريب، عمرو سليم، مصطفى حسين، عمر طاهر".
يقول سليمان فى مقاله "الكورة مع شوبير ومارجعتش تانى":
الوووووو.. ممكن أعمل مداخلة مع الكابتن شوبير ..(معاك شوبير).. مش معقولة.. من أول مرة.. أنا بحبك قوى يا كابتن ومعجب بيك قوى ومتابع برامجك من زمان.. وأنا سعيد أنى بسمع صوتك.. (ممكن توطى التلفزيون وتسمعنى من السماعة) حاضر يا بو الكباتن.. كنت بقول إنى معجب بيك قوى أنت أحسن واحد يغنى ويرد على نفسه.. ولا تحليلاتك الكروية أنت غلبت كايرو سكان يا كابتن..
"يا كابتن فى واحد اسمه عمر طاهر كاتب كان بيرشح سيادتك لوزارة العاطلين!!! الظاهر أنه بيحبك أوى وبيقول إنك مكوش على كل حاجة.. معلق ومحلل رياضى وعضو مجلس شعب وسمسار لعيبة ومستشار اتحاد كورة وعمال يلسن أنك شريك فى قناة الحياة بدليل أنك شبه مقيم فى المحطة".
وفى مقال كتاب مالوش لازقة يقول "بيت السبكى كل أفلامهم الحالية عمر أحداثها الروائية يوم واحد يمكن علشان هما متعودين أن اللحمة متقعدش بره التلاجة كتير علشان الريحة".
وفى فقرة أخرى "استقدمت لجنة الحكام سماعات للتخاطب بين الحكام فى المباريات.. تلاتة لطقم التحكيم والرابعة لمراقب المباراة والخامسة للجمهور علشان يشتمهم".