السيسى قد الوعد

الناس بتقول السيسى هايبقى فرعون
وأنا بقولهم إحنا اللى بنفرعن الفراعين
الرئيس إن راح ولا جه مجرد فرد
مش سما ولا أرض
هو اللى يتمنى رضانا
هو اللى لازم
يشوف مصالح البلد والشعب
هو اللى لازم يبقى عنده قلب
هو اللى لازم يحكم بالحب والعدل
عايزين نبنوا البلد مش نهدوها هد
والسيسى بعون الله قد الوعد
والسيسى بنفسه قال
الشعب مش هايصبر عليا
لو فشلت
افهموا يا بنى آدمين
هو الشعب اللى عمل ثورتين
هايصبر على مين ولا مين
هو فى أكتر من مبارك
اللى كان مسيطر
على كل شبر
شوفوا راح فين
أهو خد تلت سنين
السيسى مجرد رئيس
مش نبى
ولا ولى من أولياء الله الصالحين
ولا عنده مرشد ولا عنده جماعة
بتاجر بالدين
كل اللى عنده شعب
كسر حاجز الخوف
من يوم خمسة وعشرين
السيسى نفسه خايف
من الفشل أكتر مننا
لأن فشله هو فشلنا كلنا
وياريت نكونوا فاهمين
البلد دى بلدنا
والشعب هو صاحب القرار
الأول والأخير
السيسى رئيس بجد
ربنا يكون فى عونه ويقويه
ويعدى مصر لبر الأمان
ويحقق حلم المصريين
اللى نفسهم
بلادهم تبقى بتاعتهم
اللى مع الأسف مش عارفين
لحد دلوقتى هى بتاعت مين