ضحكة حزين

متقسميش قلبينا
خليهم كدا.... واحد
***
غلطان يا صاحبى
هما الصحاب بيفارقوا بعض بموتة واحدة. ...!
خليك فاكرها
***
انصفو ضحكة حزين
***
صاحى
و
بحلمبك
ليه م ادتيش قلبى ال. .. غواية
***
نصيبك منى
نبضتين أحزان
***
ف الغردقة
هاتولى مصر تعيش معايا جمعتين
تنسى الشقى
وتعزى من ماتوا ف سنين
ف الغردقة
الحلم أصبح بين أيديك. .....
بحر
و
قصيدة
***
كل أما آجى أقولهالها
بيجف ريقى
يمكن يكون بُكرة
***
سر موج البحر منك.....
رجرجة
***
أحلفولها
إنى اللى مُت ف مية مظاهرة
بطلق نارى
وده كان قرارى
م اعيشلهاش زفتها غصب
***
على كل سجن ويافطة كان دَمها
على كل شارع والرصيف
كان شىء مخيف
إنك. ... تبادلينى الغرام
***
ومتسكُنيش البَحر من تانى
ملح دمعى بيختلط. ....
***
حد قال للبحر حاجة
اتحققت. .؟
لميت قواقع شط روحى. ..
همستها
كان ردها
صدعتنى. ...
ورموش حبيبتك يا جدع
مبقتش لك
***
ولا تفتح بيبان القلب ع الآخر
خطو السعادة بينكتب. ....
للموعودين
***
سلفنى ابتسامة
***
عصافير ف زنزانة
بتنقر فى جدار خرسان
لا طايلة طاقة نور
ولا دمعها ب يبان
***
لملموا الحزن اللى عتق جوّة منا سنين كتيرة
بُكرة نمشى وييجى غيرنا. ..
نبقى سيرة
يامداين فجر لينا أذنت. ..
لو معشتوش النهاردة بحلمكم
موتو أوفر. ... للحياة
***
تااااااانى. ...
بتهزى شجرة خريف
ونيلك تحتها. ..... واطى
***
ياااااااهرم. ....
لو كنت عالى لفوق
ف إحنا إللى تحتك. ......
عدم
****
لمّا نبشوا القبر
كان فيه جمجمة
ورأس. .... نعامة
****
النيل روانى. .. وانتشيت
غزل المحبة. .. ع الضفاف
الراجل المحنى. . وعود
لن كنت باجرى موش بخاف
لكنى وقت الخوف. .... ب اعود
****
أبلة فضيلة
حدوتة الفقير. .. والأميرة
وقصر عالى بالحرس
فين أنا المقتول. ... على بابُه