ملوك التناقض باحتراف

شعب مصر الكرام
تحية لكم واحترام وعليهم تعظيم سلام
أما بعد،،
يا أيها الشعب الثائر الفائر . المأنتخ ... الفاتر
يا أيها الشعب المتدين للنخاع . المهلس .... صاحب المليون قناع
بشوش .... وتسكن فى المدافن وتضحك حتى البكاء
. يا أيها الطيب الساذج خط الصعيد أمير
الدهاء
تعشق القانون عشقا . والإكرامية فى الخفاء . يا
خالع الفرعون وكاشف زيف الدقون وحريف السياسة قدام التليفزيون
ابن نكتة وصاحب كيف ومكتئب بشىء مخيف . مرسوم
على وشك عبارة " اللص الشريف "
ترقص ف سنين عجاف خلفاوى خلف خلاف وتثور لكن
قليل وسنين كتير بتخاف
تراثك مخلط ملون قديم . سومة وعبد الوهاب
وحليم وعبد الباسط وشفيقه وحكيم
ومحفوظ يألف، والخطيب يهدف وانت بتهتف...
يا شعبى العظيم
تعشق التغيير .... ولو ماحصلش عادى . تتأقلم
وتخضع .... وترجع تنادى وتفكر هتعيد ازاى السنادى ؟
فتعمل كريسماس واضحى جديد . تفتش نتيجتك عن
أى عيد
عن فرصه تفرح .... وانت الحزين يابو موبايل
بكاميرا وعلاجك فى التأمين
يا ساكن الحوارى ... وغرقان فى الهموم
الحزن النهارده هيقفل نص يوم
علشان ماتش مصر .. جاى النهارده العصر
ناسى مدارس العيال .... ونوتة البقال بس يارب نصعد مرة للمونديال
يا مصر ..... يا دكتوراه فى الكرم . يام
الهرم .. أنا المواطن اللى اتفرم
يا مكس م الالوان وزمانها غير الزمان
يا بلاد سارحه بخيالها ... ف عقول وقلوب ولادها .. فى صفحة فيس ع النت
وانا مش هغنيلك " وقف الخلق " مع الست
بتناقضاتى هقولك : " بلادى بلادى ...
هاتى بوسه يا بت "