شوفى يا بنتى

بحبك وانتى
قبل ما تيجى ف قلبى سكنتى
يا زهرة عمرى يا كل جنتى
شوفى يابنتى
سحرك فى عيونى فاق كل التخيلات
وضحكة عيونك أمل لبكرة ياسكر البنات
يا رقة وطيبة وأجمل الجميلات
شوفى يا بنتى
بنزعل ساعات
وده طبع الأمهات
على ضناه بتخاف
لكن وربى أول مااضمك بنسى الخلاف
شوفى يابنتى
عايزاكى عظيمة إنسانه لها قيمة
تنجح وتوصل بارادة وعزيمة
وفى الحق عنيدة ومن الرب قريبة
شوفى يابنتى
اوعى ف يوم يسكن عيونك حزن واّهات
ولا تسرق منك ضحكة سنك دنيا الحكايات
بدعى ربى تعيشى سعيدة وتحققى كل الامنيات
يارب يا بنتى