بالصور.. "لحيتا" البلتاجى وحجازى تثيران السخرية بمواقع التواصل الاجتماعى.. نشطاء يتساءلون عن أسباب حلاقتهما وإطلاقهما من جديد.. يسخرون: رجّع يا بنى اللوك القديم لزوم الشغل.. وآخر: حاسس أنها ملزوقة

سخر نشطاء موقع التواصل الاجتماعى فيسبوك، من صورة القياديين الإخوانيين، محمد البلتاجى، وصفوت حجازى، بعد ظهورهما فى قاعة المحكمة، مطلقين لحيتيهما من جديد، كما تبادلا عددًا من الصور لهما عقب إلقاء القبض عليهما، وبعد إطلاق اللحية فى المحاكمة أمس السبت.
تبادل النشطاء عددًا من العبارات والمقولات الساخرة والنكات على القياديين الإخوانيين، متسائلين عن أسباب حلقها وإطلاقها من جديد، ساخرين "رَجَّع يابنى اللوك القديم لزوم الشغل"، و"كانوا تعبوا وحلقوهم ليه من الأساس؟"، و"حلقتوها ليه من الأول ولا هو فراغ بقا".
بينما أطلق آخرون عددا من المقولات الساخرة على صفوت حجازى بعد إطلاقه لحيته، قائلين "لحقت دقنك تطلع يا صفوت وابيضت بالسرعة دى؟، وكمان رافع شعار رابعة أنت مش قولت إنك متعرفهمش؟ وأول مرة تشوفهم"، "لحقت يا صفوت تربى ذقنك تانى مش عارف ليه حاسس إنها ملزوقة"، "أو مال فين أبو دوجلاس اللى اتبرأ من رابعة"، "أهو صفوت اللى عمل سكسوكة وهرب وسابكم للموت دلوقتى عامل بطل"، "أول مرة أشوف دقن بتطول بالسرعة دى".
فيما سخر نشطاء من حديث المنتمين للجماعة والذين شككوا فى صحة القبض على صفوت حجازى، قائلين "الشيخ دوجلاس حجازى أو ما يسمى صفوت حجازى خدو بالكم الإخوان بيقولوا مش هوا طبعًا أوعوا تصدقوا إن هو.. خليهم زى ما هما"، "الإخوان أكلوا دماغنا وقالوا عن صفوت ده ممثل وليه محضرش المحاكمة مع مرسى دلوقتى لكل الإخوان أهو صفوت ورجع زى الأول بالضبط"، "الأول قالوا على صفوت حجازى مش هو أمال مين اللى كان فى القفص النهارده؟".