"تزوجت محمود فى سن 18 عاما وكنت مبهورة بمدى عظمته وكبريائه ولكن اتضح فى الأخير، أنو تنك حتى على مش على الناس بس بصراحة زهقت منه ومش قادرة أستحمل أنو يعاملنى بقرف مهو مش حسين فهمى". هذه الكلمات أبرز ما قالت، "رضوى "فى دعواها التى أقامتها ضد زوجها "محمود. ع" أمام محكمة الأسرة، بروض الفرج، وطالبت فيها بالخلع، بسبب أنه يتكبر عليها ويعاملها بقرف مما دمر حياتها وجعلها تكرهه. وأضافت، "رضوى" أنك تكون مغرورا على الناس دى مصيبة، ولكن أنك كمان تكون مغرور على أهل بيتك، وفاكر نفسك ياما هنا وياما هناك، أهو ده إللى الواحدة متقدرش تستحمله أبدا قرفنى منه لله، وخلانى أكره الرجالة كلهم. وتابعت "رضوى "بدعواها التى تحمل رقم 9425 لسنة 2013: حاولت أغيره وأخليه يحب الناس، ويطلع من الدور إللى عايش فيه أصلى زوجى، مش أول إنسان ينجح، ويبقى معاه فلوس، علشان يتنطط على الناس كده، أنا مش ممكن أجيب أولاد من إنسان ذى ده علشان كده، لحقت نفسى وقلت أخلعه. فيما حكمت المحكمة بعد فشل جلسات الصلح بقبول طلب الزوجة وتفريقها عن زوجها "محمود".