ومين فينا

مالوش ماضى
وكان عاشق وكان راضى
وجوا في قلبه نور هادى
وكان يجرح وبيداوى
وكان ناوى
يجيب الشبكة والطرحة
وكان في عيونه 100 فرحة
ومن فييييينا
متاهش في حبه وأتحمل
لكن مؤمن بأن نصيبه هايكمل
ولو حاربوه بيرجع أقوى م الأول
ولو بالحب متألم
لايوم باعد ولا ميل
ومين فييييييينا
مشافش الدنيا بتزغرد
وطير الحب بيغرد
وشاف البسمة مرسومة
وشاف الفرحة مقسومة
ما بين قلبين وبيحبوا
ومين فينا
محسش لمسة المحبوب
وكان غالب وكان مغلوب
وكان ف الحب كيف أيوب
وعقله وفكره كان مسلوب
عشان مشايف أى عيوب
لأنه الحب من قلبه
ولو هايحب بالمقلوب
لاكان بيمل أو ييأس
وكان مخلص
ولو يسمع كلام الحب
فقلبه يغنى وبيرقص
ومين فينا
منامش ودمعه على خده
لكن عمره ما خان عهده
وكان شايف طريقه خضار
سعات صبار
سعات مفروش بحبة ورد
وقلبه عمار
ومين فينا
مكانش فى قلبها مراية
وكان ف عيونها 100آية
يبان ع الوش نور الحب
تحب الدنيا وبتتحب
وتحلم بالحصان الأبيض
وبالفستان وبالكوشة
وورد وحنة مفروشة
وأحلى زفة لعروسة
ومين فينا مالوش ماضى
وذكرى جميلة لأولاده
ومين فينا