قنديل يتهم متظاهرى "سيمون بوليفار" بالضلال

قال محرر هريدى نيوز إن قنديل أم هاشم أو قنديل البحر، طلع بتصريح عنترى وقال اللى اتعرضولى فى "سيمون بوليفار" ناس ضالة، وطبقاً لمصادر مقربة من الرجل أن قنديل البحر لا يقصد بكلمة ضالة أنهم ناس تاهت وأهلهم بيدوروا عليهم، ولكن يقصد بالضال كما ورد فى اللغة العربية الفصحى جداً فصحى خالص أن الضال هو الخارج عن الملة، وطالب محررنا أن يتوجه حد من الناس بتوع حقوق الإنسان أو أى حقوق إن شالله حقوق عين شمس ويختصم قنديل أم هاشم. لأنه ازدرأ المصريين، ووجه سؤال للصفوة مش "صفوه" اللى بتطلع فى الأفلام لاء يقصد النخبة اللى بتطلع فى التليفزيون: اللى قاله قنديل البحر ده ازدراء وألا مش ازدراء يا متعلمين يابتوع المدارس؟!