وقال الحمار: بقيت حُر !

تِعِب الحمار م القرف.. هرب وراح غَابَه
وقال بقيت حُر من ناس ظالمه كذَّابَه
أنا وكُل الحمير في الذل وغلاَّبَه
والضرب نازل يا ناس ما أعرفش أسْبَابَه
فقلت أهرب وأسيبه دى الدنيا قلاَّبَة
علشان يفكر ويعرف أن العيار صَابَه
في الغابة عاش الحمار مبسوط بأصْحَابَه
شِبِعْ ونَهَّق بصوت عالي لأحْبَابَه
صاحبه سمع صوته قال دا حماري.. راح جَابَه
رجع الحمار للقرف من تاني وعَذَابَه