للقضاء على مشكلة «العنوسة»!

للتغلب على مشكلة «العنوسة» التي تواجه الفتيات بسبب ارتفاع تكاليف الزواج.. نشرت إحدى ناشطات «فيس بوك» صورة «أبيض وأسود» ل« أربعة رجال» من القرن العشرين، من طراز «جدى وجدك» لتختار كل «بنوتة» فتى أحلامها عن طريق «التعليق» على الصورة المنشورة..
دعاء فايد قالت: «أبو طاقية مألمة ده قصة لوحده... مز آخر مزازة»!
أما نسرين رياض فكتبت: «اللي ع اليمين عامل جيل سبايك هايل.. هو ده العريس الاسبور ولا بلاش»!
وكتبت رنيم أحمد: «واللي فوق على اليمين ده كائن فضائي.. مش لابس جلابية ولا إيه؟»!
وعلقت نجلاء محمود: «على فكرة أبو ولاعة محجوز»!.. وأضافت: «دا لو شخط بس في مراته هتخلف لوحدها»!
هناء جمال علقت بقولها: «تفتكروا الطب الشرعي حيقدر يحدد الدي إن إيه بتاعهم ولا جهاز التحليل حينفجر؟!»
بينما علقت نيفين البنا: «دي الفرقة العالمية لمطرب الروك العالمي أرفس برجلي»!.. وأضافت: «لا شكرا.. العنوسة رائعة»!
نجلاء سعيد قالت: «اللي مجنني إزاي المصور خدلهم الصورة دي وهم نايمين؟».. وأضافت: «الله يرحمه المصور، أنا متأكدة إن اللي صورهم وهم متغاظين كده خد علقة موت بعدها ههههههه الله يرحمه هو كمان»!
أسامة حماد تدخل في التعليق «الحريمي» وكتب تعليقا: «يا بنات شجعوا صناعة بلدكم وسيبكم من الأجنبي.. بعدين بضاعتنا تبوظ»!