سب الجيش والشرطة وهاجم الدولة وصفة نشطاء تويتر لتصبح ناشطا نوران: قول الوضع مقلق للغاية.. عمر: قل أدبك في الكمين واهتف يسقط حكم العسكر.. نورا: خليك واطي ووضيع وخائن.. حنان: البس كوفية فلسطيني

قدم عدد من نشطاء "تويتر"، وصفة لكل من يريد أن يصبح ناشطا مشهورا، من خلال هاشتاج "كيف تصبح ناشطا مشهورا" معترضين على من يقع تحت تعريف ناشط.. الوصفة تضمنت أن يصف الناشط الوضع في مصر بالمقلق للغاية وأن يسب الجيش ويدعم من يتم اتهامه في قضايا جنائية ويطالب بالإفراج عنهم.
نوران حسن: "# كيف تصبح ناشطا مشهورا.. أعد قول "الوضع مقلق للغاية".
إسلام صالح: "حط صورتك وأنت قالع وكل ما تتزنق اقلع".
OmarsUniverse: "اتمسك بحتة حشيش وقل أدبك في الكمين، قول يسقط حكم العسكر ويتعملك هاشتاج وحتبقى أشهر من مدام باكينام الشرقاوي".
HafsaBentOmar: "قول أي هبل واشتم الجيش والشرطة وحتلاقي مواطنين شرفاء كتير على نياتهم يهاجموك ويشهروك".
Kindhoopoe: "امسك في كلمة دم الشهيد وامشي على طول، لا تروح شمال ولا يمين.. وهتبقى ناشط "زي الفل"، وحقوقي عند اللزوم.. !".
MenaFayekGayed: "اشتم ف الحكومة والجيش والشعب واعمل نفسك ناشت حكوكي".
المحامية شيماء حسني: "تبرر أي جريمة طالما الضحية لابس ميري جيش وشرطة وتشتمهم ويستحملوا قال يعني شغلهم ولما يتعاقب المجرم اكتب الحرية ل..".
هشام صلاح: "لازم تدور لك على شلة من الخمس شلل اللي بيقولوا على نفسهم ثوار وبيساعدوا بعض.. هيشهروك وهتبقى ناشط اد الدنيا.. اومااال".
XforMoody: "قول لازم اعتصام رابعة يتفض علشان ده اعتصام مسلح.. وأول ماالاعتصام يتفض قول السيسي سفاح وهاتتحاكم هاتتحاكم يا سفاح.. خليك دايما ضد التيار.. شوف الناس بتعمل ايه واعمل عكسها حتى لو حاجة هايفة ماتستاهلش.. المهم تبقى مخالف دايما".
ehassany: "تتهم أي حد بيحب البلد أنه لحاس البيادة في حين أنك أنت لحاس السبوبة".
فادي نبيل: "في أي سفرية اعمل ضحية واطلع عالمنصة في نيويورك واصرخ بعلو صوتك أنقذونا من الجيش المجرم لازم نقاضيه في لاهاي".
حنان حافظ: "البس كوفية فلسطيني وانزل على قهوة البورصة ولم حواليك شوية عيال وانخع في دماغهم وحسسهم إنك مهم ".
iMo3tazz: "تفضل تطبّل لكل فصيل سياسي شوية لحد ماعداد الفولورز يضرب في السقف.. وبعدين تقول أي فتوى وهتلاقي اللي يهلّ لك".
nouraalex: "خليك واطي ووضيع وخائن تبقي عارف أن جيشك مستهدف وهو في حالة حرب لكن لازم تشتمه وتهينه متقلقش الدولارات جاية".
noranor44: "اعمل نفسك مش هماك الفلوس واركب ميكروباص وبعد كام شهر تتجوز وتشتري عربية وتسافر ماحدش هاياخد باله".
مني العشري: "ستايل لبسك لازم يكون أقرب لإنسان الغاب طويل الناب المُهدى إلى الحديقة وارد أفريقا والبنات يا جوثيك يا خدامات ستايل".
حازم يوسف: "تنضم لحزب مصر القوية وتزيط لأبوالفتوح.. تشتم في الجيش والشرطة والقضاء والمخابرات ومبارك وعمر سليمان وشفيق والفلول والسعودية والإمارات".
إيمان يوسف: "أي حاجة ضد الدولة اتضامن معاها.. ولو اتقبض على حد مناهض لها غير أفاتارك بصورته واعمله هاشتاج فرى ناشط".
رشا سعيد: "تعترض على طول، تشوف الرأي العالمى بيقول ايه وتمشى معاه، تشتم كتير، تمثل دور الضحية!!".
nk_sameh: "#كيف تصبح ناشطا مشهورا.. صورتين في المظاهرات وكوفية فلسطيني على شوية برامج تقول فيها كلام محدش فاهمه ولا له أي علاقه بالشارع".