نجاح مليونية الإخوان فى إسقاط النظام.. من الضحك!

الإخوان يحشدون مليونية من ستة أنفار بدلا من ستة أصفار.. مليونية مكونة من 240 شخصا هي آخر ابتكارات الإخوان، قدرة الجماعة على الحشد أصبحت محل سخرية شباب فيس بوك، المليونية المكونة من ستة أنفار بدلا من ستة أصفار استطاعت أن تسقط النظام.. لكن من الضحك، مظاهرات الإخوان كانت الأكثر جذبا للتعليقات، وكان أبرزها..
هاني جابر فريد: واحب نلفت نظرهم إلى أن المليون 6 أصفار مش 6 أنفار..
شلنك: من ضمن إنجازات الإخوان أنهم أثبتوا لنا أن ممكن المليونية تكون 240 شخصا بس..ولو فاصلت شوية هيبقوا 200 واحد..
علاء فارس: الإخوان لا منهم عملوا مليونية.. ولا منهم خلوا الشباب يحتفل بيوم ال Kissing Day..
عبد الرحمن عبد الله: خلاص يا جماعة بعد المليونيات الحاشدة دى.. أحب أبشر الإخوان أن مرسي راجع إن شاء الله يوم التلات العصر بعد صلاة الجمعة! تكبيييير..
مريم نشأت: بعد مليونية اليوم.. نجح الإخوان في إسقاط النظام والشعب.. من كثرة الضحك..
عبده البردويلي: النهاردة مصر هتكون مقسومة ل4
ربع رايح مظاهرات
ربع رايح اليوم العالمي للبوس
ربع رايح يتفرج على ماتش السوبر الأوربي
ربع قاعد على الفيس
أنهار الفياضي: إنها مليونية.. ولكن لا يراها إلا المؤمنون..
أنا هندية: احنا كفار يعني..شلت يدي ههههههه..
شيرين يوسف: مليونية بس لابسة طاقية الإخفا...
رشا محمد: هما موجودين بس نازلين "انفيزابول".. خايفين من الحسد يا عم الحاج..
بسام عارف: ولما انتوا ضد الإخوان.. نازلين مع اللي انتوا ضدهم في نفس اليوم ليه..عن حركة أبو الفتوح وحازمون اللي بيقولوا على نفسهم أحرار اتحدث...
جلال المغربي: أنا شخصيًا شايف 4 مليارات معديين من تحت بيتي من شوية..
أوجا مورجان: طلع المليونية إلى مخبيها..
تامر علام: هو الملايين اللى في عطارد خرجوا ولا لسه !!