تقرير من العمدة لمكتب المخبر

كتب محرر «هريدى نيوز» وهو فى إجازة فى قريتهم كفر أبو أحمد التابع لمركز العياط، قال محررنا، قرر عمدة بلدنا إنه يتابع مظاهرات الألتراس من غرفة عمليات العمدية، ويرفع تقرير بكل اللى شافه والمعلومات السرية إلى جمعها الخفر عن مظاهرات الأهلاوية، يكتب بيها العمدة تقريرا يبلغه لمكتب المخبر حسب الأولوية، عمدة بلدنا فى الأصل زملكاوى، والألترس عليه ناوى، وهو لا حول له ولا قوة، المخبر ورطه فى تصريحات كتير، خلاه يعتذر للحرامى والخفير، وأخرتها يكدب مفيش حل تانى، و25 يوم غضب تانى، ونرجع نقطة وننزل سطر تحتانى..