فرد الأمن عن واقعة إمام عاشور: ضربني لغاية ما أغمى علي وكان من الأولى يتشطر على اللي عاكسوا مراته (فيديو)

قال عبد الله مصطفى فرد الأمن المعتدى عليه من إمام عاشور لاعب النادي الأهلي: "أؤدي عملي زي أي إنسان طبيعي في مجال عمله، يوم الأربعاء الساعة 7 إلا الربع صباحًا واقف في مكان عملي تفاجأنا بنجم مصر إمام عاشور دخل علينا بسرعة فائقة وكان في حالة ثورة فأعطيت إشارة بعدم اعتراضه لتجنب أي مشاكل".

اعتداء إمام عاشور على فرد أمن المول
وأضاف خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "ناشدت الكابتن إمام عاشور نفهم الموضوع فلقيته لف مرة واحدة وبدأ يشتم ويعلي صوته ويطلق ألفاظًا بذيئة، ولقيته مندفع عليَّ جدًّا وبيمسكني من الجاكيت والقميص علشان أنا المشرف والمسؤول عن الأمن، هو جاي يتخانق".

قصة واقعة التحرش بزوجة إمام عاشور
وتابع: "ادعاؤه أن زوجته اتعاكست وهي خارجة من السينما الساعة 5 الصبح، وقال لنا يا ولاد تييت أنا مراتي اتعاكست، قلت له مراتك اتعاكست احنا مالنا كأفراد أمن؟ وليه ما اشتكتش زي أي حد بيحصل له أي مشكلة بيلجأ لنا واحنا بنجيب له حقه ونتواصل معاه".
مشاجرة إمام عاشور، فيتو
ولفت: "احنا ما اتبلغناش إن مرات امام عاشور اتعاكست وهي لم تبلغ أنها اتعاكست، وعلى حد قولها إذا كانت اتعاكست بالفعل في حفلة سينما الساعة 3 إلا ربع الفجر ليه ما بلغتناش وهي كانت معاها كتيبة شباب على كلامها إخواتها على إخواته، أنتِ اتعاكستِ وسط المول فين الناس اللي معاكِ وما اتخانقوش وما اتحمقوش ليه وما وصلتيش للأمن ليه علشان الأمن يجيب لك حقك تالت ومتلت وتبقى ملكة معززة مكرمة؟".

شلة إمام عاشور وقصة الاعتداء على فرد أمن المول
وأكمل: "إمام عاشور لم يعطنا فرصة إننا نتكلم معاه أو نفهم هو عايز إيه، وراح ماسك قميصي والجاكيت وجري ورايا واتزقيت ووقعت على الأرض ولقيت الضرب فيَّ من كل مكان من 10 الي 15 واحد معاه، وانا زمايلي متدخلوش لإننا مش هنتخانق ولا هنعملها معركة".

وأوضح: "إمام عاشور فاكر نفسه انه هو كبير طيب احنا بقى هناخد حقنا بالقانون وماشيين في إجراءتنا القانونية، انا أغمى عليَّ بعد لما اتضربت من الحاشية اللي تبع إمام عاشور".

تحرير محضر ضد إمام عاشور
وواصل: "لما فُقت من الإغماءة لقانا فُقت فاطمن وخد الرجالة بتوعه ومشيوا، وأنا قعدت ريحت في مكتب الأمن وأخدت العلاج الكافي، واحنا مش عارفين هو كان بيعمل إيه وكان من باب أولى يتخانق مع اللي كانوا مع مراته وسيبوها تتعاكس على زعمهم".

وأكمل: "إدارة الأمن تعاملت مع إدارة المول وتم تحرير محضر يوم 20 يونيو بالواقعة الخاصة باعتداء إمام عاشور علي، وبقيت 12 ساعة في قسم الشرطة لعمل الإجراءات، وتم التحقيق معنا في النيابة وتم سماع شهود العيان، ولا صحة أننا تصالحنا وتم الصلح مع إمام عاشور".

استدعاء زوجة إمام عاشور لسماع أقوالها في مشاجرة المول
مفاجأة في خناقة إمام عاشور، اللاعب لم يحرر محضرا بتعرض زوجته للتحرش
حقيقة صلح إمام عاشور وفرد أمن المول
وأكد: "مسؤول من إدارة النادي الأهلي تواصل معنا لعقد جلسة صلح مع إمام عاشور وفي حضور عدد من اللاعبين لإنهاء الخلاف والأزمة، مع اعتذار إمام عاشور، ولكن لم يتم التوافق حتى الآن واحنا ماشيين في إجراءتنا، وانا عارف ومتأكد ان الغلطان هيتعاقب ولكن انا جوا المول مسمعتش بوقوع أي مشكلة خاصة بإن زوجة إمام عاشور تعرضت للتحرش أو المعاكسة وبعد مراجعة الكاميرات تبين إن مفيش أي معاكسة".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.